पूर्वाधार बैंकलाई आईपीओ निष्कासनको अनुमति, आवेदन दिने सबैले शेयर पाउने पक्का

पुष १२, २०७७ आइतबार १६:३७:५९ | उज्यालो सहकर्मी

काठमाण्डौ – नेपाल धितोपत्र बोर्डले नेपाल पूर्वाधार बैंकलाई प्रारम्भिक शेयर निष्कासन (आईपीओ) निष्कासनको अनुमति दिएको छ ।

आठ अर्ब रुपैयाँको आठ करोड कित्ता शेयर निष्कासनको लागि बोर्डले पूर्वाधार बैंकलाई अनुमति दिएको छ । यो आईपीओ नेपालमा अहिलेसम्मकै ठूलो हो ।

मङ्सिर ३ गते बसेको बैंकको साधारण सभाले आईपीओ निष्कासनको प्रस्ताव पारित गर्ने र बिक्री प्रबन्धकमा एनआईबीएल एस क्यापिटल लिमिटेडलाई छनोट गर्ने विषय पारित गरेको थियो । पूर्वाधार बैंकको आईपीओमा प्रत्याभूतकर्ताको काम नागरिक लगानी कोषले गर्नेछ ।

पूर्वाधार बैंकको आईपीओ भर्ने सबैले शेयर पाउने पक्का छ । १० कित्ता शेयर नीतिअनुसार अहिले आईपीओ वितरण हुने गरेको छ । बैंकको आठ करोड कित्ता शेयर १० कित्ताका दरले ८८ लाख जनाले पाउने सम्भावना रहन्छ । तर बढीमा १२ लाख जनाले आवेदन दिने हुँदा पूर्वाधार बैङ्कको शेयर भर्ने जति सबैलाई पर्नेछ । धेरैले १० कित्ताभन्दा धेरै पाउने सम्भावना पनि रहेको छ ।

पुसको अन्तिम हप्तासम्म आईपीओ खुलाउने तयारी रहेको बैंकका सूचना अधिकारी सुवर्णकुमार सिंहले उज्यालोलाई जानकारी दिनुभयो । ‘धितोपत्र बोर्डले स्वीकृति दिइसकेको छ, अब कम्पनी रजिस्ट्रारको कार्यालय र राष्ट्र बैंकबाट पूरा गर्नुपर्ने केही प्रक्रिया पूरा गरेपछि आईपीओ निष्कासन हुन्छ, सम्भवतः पुसको अन्तिम हप्तामा खुला हुन सक्छ’, सिंहले भन्नुभयो ।

सरकारको समेत लगानी रहेको पूर्वाधार बैंकको अहिले १२ अर्ब चुक्ता पुँजी रहेको छ, शेयर निष्कासनपछि चुक्ता पुँजी २० अर्ब रुपैयाँ पुग्नेछ । बैंकले पूर्वाधारका विभिन्न क्षेत्रमा लगानी गर्ने उद्देश्य राखेको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Shiv dev yadav
Dec. 29, 2020, 8:46 a.m.
This is really a good news for everyone who wants to invest or buy share.
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पूर्वाधार बैंकलाई आईपीओ निष्कासनको अनुमति, आवेदन दिने सबैले शेयर पाउने पक्का

1 Comments

Shiv dev yadav

तपाईको प्रतिक्रिया

तपाईको प्रतिक्रिया