आईएमई र अल अहलिया एक्सचेन्सबीच रेमिट्यान्स सेवा विस्तार गर्ने सम्झाैता

फागुन १०, २०७७ सोमबार २०:१२:४९ | उज्यालो सहकर्मी

काठमाण्डाै – रेमिट्यान्स सेवा प्रदान गर्दै आएको संयुक्त अरब इमिरेट्सको कम्पनी अल अहलिया एक्सचेन्स र नेपालको रेमिट्यान्स सेवा प्रदायक आईएमई लिमिटेडको डिजिलट भुक्तानी सेवा प्रदायक आईएमई पेबीच समझदारी भएको छ । यी दुई कम्पनीबीच पीटुपी मनी ट्रान्सफरका लागि समझदारी भएको हो ।

समझदारीपछि आईएमईमार्फत रेमिट्यान्स गर्ने नेपाली नागरिकले सिधै प्रापकको आईएमई पे वालेटमा रकम प्राप्त गर्न सक्नेछन् । यो सम्झौतापछि अल अहलिया एक्सचेन्ज यूएईबाट नेपालको आईएमई पेमा सिधै पैसा पठाउने पहिलो एक्सचेन्ज कम्पनी हुनेछ ।

रोजगारी या व्यापार व्यवसायका लागि यूएईमा रहेका नेपालीले अल अहलिया एक्सचेन्जबाट पठाएको पैसा आईएमई पे वालेटमा प्राप्त गर्ने गरी आईएमई डिजिटल र आईएमई लिमिटेडसँग सम्झौता गर्न पाउँदा निकै खुसी लागेको अल अहलिया एक्सचेन्जका निमित्त महाप्रबन्धक कमल सुब्बाले बताउनुभयो ।

आईएमई पे ब्राण्डको प्रवर्द्धित संस्था आईएमई डिजिटल सोलुसन लिमिटेडका अध्यक्ष हेमराज ढकालले यो सेवा विस्तारसँगै नेपाल भित्रिने रेमट्यिान्समा यूएईको योगदान बढ्दै जाने विश्वास व्यक्त गर्नुभयो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्