सङ्खुवासभा : पेट्रोल खन्याउने क्रममा चैनपुरको पम्पमा आगलागी, रेडियाे अरुणकाे प्रसारण बन्द

फागुन ११, २०७७ मंगलबार १६:५७:१५ | नवीन गुरुङ

सङ्खुवासभा – सङ्खुवासभाकाे चैनपुर नगरपालिका ७ जिरोप्वाइन्टमा रहेको पेट्रोल पम्पमा आगलागी भएको छ । मङ्गलवार दिउँसो १२ बजेतिर ट्याङ्करबाट पेट्रोल खन्याउँदै गर्दा आगलागी भएको जिल्ला प्रहरी कार्यालय सङ्खुवासभाका प्रहरी निरीक्षक (इन्स्पेक्टर) सन्तोष बुढाथोकीले जानकारी दिनुभयो ।

पम्पमा आगलागी हुँदा आयल निगममा कार्यरत कर्मचारी चैनपुरका ३७ वर्षीय सविन कर्माचार्य सामान्य घाइते हुनुभएको छ । आगलागीका कारण पम्प नजिकै रहेको एक औषधि पसल र होटलमा पनि क्षति भएको छ ।

आगलागीका क्रममा सामान निकाल्ने क्रममा रेडियाे अरुणकाे उपकरणमा क्षति पुगेकाे छ । रेडियाेकाे ट्रान्समिटर, कम्प्युटरलगायतका उपकरणमा क्षति पुग्दा प्रसारण बन्द भएकाे रेडियाेकाे स्टेशन म्यानेजर दुर्गाबहादुर कटुवालले जानकारी दिनुभयाे ।

घटनाबारे अनुसन्धान भइरहेकाले क्षतिको विवरण आउन बाँकी रहेको इन्स्पेक्टर बुढाथोकीले जानकारी दिनुभयो । मङ्गलबार त्यस टयाङ्करले डिजल २० हजार लिटर र पेट्रोल नौ हजार लिटर बोकेर आएको थियो ।त्यही इन्धन खन्याउँदै गर्दा आगलागी भएको हो ।

आगलागीबाट पेट्रोल पम्पमा डेढ करोड रुपैयाँमाथिको क्षति भएको पेट्रोल पम्प सञ्चालक सदस्य तथा चैनपुर उद्योग वाणिज्य सङ्घका अध्यक्ष आशिष शाक्यले बताउनुभयो ।

अहिले आगो नियन्त्रणमा आइसकेको प्रहरीले जनाएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्