बलात्कृत युवती गर्भवती, दुई आरोपी पक्राउ

जेठ १७, २०७५ बिहीबार १९:४८:२८ | राजु लामिछाने

रुकुम पश्चिम, जेठ १७ – एक किशोरीलाई बलात्कार गरेको आरोपमा दुई युवा पक्राउ परेका छन् ।

सानीभेरी गाउँपालिका–५, का १८ वर्षीय विशाल केसी र १८ वर्षीय धनसिंह बाँठालाई प्रहरीले पक्राउ गरेको हो ।
दुवै जनाले एउटै युवतीलाई पटक–पटक बलात्कार गरेको प्रहरीले बताएको छ । प्रहरीका अनुसार आरोपी विशाल केसीले ती युवती स्कुल जाने क्रममा सानीभेरी गाउँपालिका –५, डालापारी जंगलमा लगेर र धनसिंह बाँठाले आफ्नै मोबाइल पसलमा लगेर पटकपटक बलात्कार गरेको खुल्न आएको प्रहरीले जनाएको छ ।

२०७४ पुस ७ गते विशाल केसीले र २०७४ पुस १० गते धनसिंह बाँठाले ती युवतीलाई बलात्कार गरेको जिल्ला प्रहरी कार्यालयका प्रहरी निरीक्षक ऋषिकुमार ढुंगानाले बताउनुभयो । प्रहरीका अनुसार ती युवती गर्भवती भएकी छिन् । पक्राउ परेका दुवै जनालाई जबरजस्ती करणी मुद्धा दर्ता गरी अनुसन्धान भैरहेको प्रहरीले बताएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।