कङ्गनाकाे ट्विटर अकाउन्ट निलम्बनमा, भन्छिन्– ‘मसँग अरू धेरै प्लेटफर्म छ’

वैशाख २१, २०७८ मंगलबार १५:२३:८ | एजेन्सी

काठमाण्डाै – बलिवुड अभिनेत्री कङ्गना रनावतको ट्विटर अकाउन्ट निलम्बित (सस्पेन्ड) भएको छ ।

कङ्गनाले ने सोमवार पश्चिम बङ्गालमा हिंसाको दाबी गर्दै एक ट्वीट गरेकी थिइन्, उनको त्यो ट्वीटलाई ट्विटरमा कैयौँ व्यक्तिले हिंसक र भड्काउन प्रेरित रहेको बताएका थिए । केहीले कङ्गनाको ट्विटर अकाउन्ट रद्द गर्न माग गरेका थिए ।

एक ट्वीटमा कङ्गनाले बङ्गालमा राष्ट्रपति शासनकाे माग गर्दै लेखेकी थिइन्, ‘गुन्डागर्दी समाप्त गर्नका लागि माेदीजीले आफ्नाे विराट रूप देखाउनुहाेस् ।’

यद्यपि कङ्गनाको अकाउन्ट किन निलम्बित गरिएको हो भन्नेबारेमा ट्विटरले अहिलेसम्म कुनै आधिकारिक कुरा सार्वजनिक गरेको छैन ।

ट्विटरमा कङ्गनाको पेजमा लेखिएको छ, ‘ट्विटरको नियम उल्लङ्घन गर्ने ट्विटर अकाउन्ट ट्विटरले निलम्बित गर्छ ।’

कङ्गनाले आफ्नो ट्विटर अकाउन्ट निलम्बित गरिएकोप्रति कडा प्रतिक्रिया दिँदै आफूसँग अन्य प्लेटफर्म भएको बताएकी छिन् । कङ्गनाको टिमले एक विज्ञप्तिमा भनेको छ, ‘ट्विटरले मेरो नै पक्षलाई साबित गरिदिएको छ । मसँग सिनेमासहित धेरै प्लेटफर्म छन्, जसको प्रयोग म आफ्नो आवाज उठाउनका लागि गर्न सक्छु । तर यातना दिइएका, दास बनाएका र हजारौँ वर्षदेखि दबाएर राखिएका र अहिलेसम्म दुःखको अन्त्य नभएका देशका मानिसहरूको बारेमा मेरो हृदय दुख्छ ।’

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कङ्गनाकाे ट्विटर अकाउन्ट निलम्बनमा, भन्छिन्– ‘मसँग अरू धेरै प्लेटफर्म छ’

फाइल फाेटाे

तपाईको प्रतिक्रिया