नेपाल पक्षका १७ जना प्रदेश सभा सदस्यलाई स्पष्टीकरण सोधियो

जेठ २७, २०७८ बिहीबार १७:३२:२८ | उज्यालो सहकर्मी

कैलाली – नेकपा एमाले सुदूरपश्चिम प्रदेश कमिटीले माओवादी केन्द्रको सरकारलाई साथ दिएका १७ जना प्रदेश सभा सदस्यलाई स्पष्टीकरण सोधेको छ ।

अध्यक्ष केपी शर्मा ओली पक्षको सुदूरपश्चिम प्रदेश इन्चार्ज कर्णबहादुर थापाले पार्टीको निर्णय अटेरी गर्दै माओवादी केन्द्रका मुख्यमन्त्री त्रिलोचन भट्टलाई साथ दिएको भन्दै माधव नेपाल पक्षका १७ जना सदस्यलाई चौबीस घण्टे स्पष्टीकरण सोध्नुभएको हो । चित्तबुझ्दो जवाफ नदिएमा या जवाफ नदिएमा कारबाही हुने पत्रमा उल्लेख छ ।

‘तपाईँले पार्टी एकतालाई विखण्डित गर्ने, पार्टी फुटाउने, पार्टीभित्रको सहकार्य र सद्भावलाई क्षत–विक्षत पार्ने गरी अवैधानिक गुटगत भेलामा सहभागी हुने, अरुलाई समेत उत्प्रेरित गर्ने र विपक्षी पार्टीहरुसँग गठ–जोड गरी सरकारमा सहभागी हुने कार्य के–कति कारणले गर्नुभएको हो ?’, स्पष्टीकरण पत्रमा सोधिएको छ ।

यसअघि संसदीय दलका नेता प्रकाशबहादुर शाहले संसदीय दलको निर्णय नमानेको भन्दै ओली पक्षका सदस्यलाई स्पष्टीकरण सोधिसकेको छ ।

अन्तिम अपडेट: पुस २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्