'द हन्ड्रेड' क्रिकेट प्रतियोगिता खेल्न सन्दीप आज बेलायत जाँदै

असार २४, २०७८ बिहीबार १४:५२:४० | उज्यालो सहकर्मी

काठमाण्डाै – 'द हन्ड्रेड' क्रिकेट प्रतियोगिता खेल्न नेपाली लेग स्पिनर सन्दीप लामिछाने आज बिहीवार बेलायत जाँदैछन् । सन्दीप राति ११ बजेपछि टर्किस एअरलाइन्सको जहाजबाट लन्डन जाने उनका व्यवस्थापक रमन सिवाकोटीले उज्यालोलाई जानकारी दिए ।

बेलायत गएपछि सन्दीप १० दिन क्वरेण्टीनमा बस्नेछन् । यस अवधिमा दुई पटककाे पीसीआर परीक्षणको रिपोर्ट नेगेटिभ आएपछि मात्र लामिछानेले याे प्रतियोगितामा खेल्न पाउने छन् ।

'द हन्ड्रेड' प्रतियोगितामा सन्दीप ओभल इन्भिन्सिबलबाट खेल्नेछन् । लामिछाने सम्मिलित टोली ओभलले उद्घाटन खेल म्यानचेस्टर आर्जिनल्ससँग खेल्नेछ । याे प्रतियोगिता बेलायत र वेल्स क्रिकेटको आयोजनामा पहिलो पटक हुन लागेको हो । यो प्रतियोगिता जुलाई २२ तारिखदेखि सुरु हुनेछ ।

गएकाे वर्ष हुने भनिएको याे प्रतियोगिता कोरोना भाइरसको महामारीका कारण स्थगित भएको थियो । द हन्ड्रेड क्रिकेट प्रतियोगिताका लामिछाने एक लाख पाउण्डमा अनुबन्धित भएका हुन् । द हन्ड्रेड प्रतियोगितापछि उनी क्यारेबियन प्रिमियर लिग (सीपीएल) खेल्ने तय भएको व्यवस्थापक सिवाकोटीले जानकारी दिए ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

'द हन्ड्रेड' क्रिकेट प्रतियोगिता खेल्न सन्दीप आज बेलायत जाँदै

फाइल फाेटाे

तपाईको प्रतिक्रिया