एमालेले आउँदाे चुनावमा बहुमत ल्याएर न्याय क्षेत्रकाे विकृति हटाउँछ : तामाङ

मंसिर १४, २०७८ मंगलबार १४:१३:४२ | उज्यालो सहकर्मी

चितवन – नेकपा एमालेकाे केन्द्रीय कार्यालयका सचिव शेरबहादुर तामाङले आफ्नो पार्टीले आउँदाे चुनावमा बहुमत ल्याएर न्यायालयमा देखिएका विकृति अन्त्य गर्ने बताउनुभएको छ ।

आज मङ्गलवार चितवनको सौराहामा सञ्चारकर्मीसँग कुरा गर्दै कार्यालय सचिव तामाङले आउँदाे चुनावमा बहुमत ल्याएर न्याय क्षेत्रमा देखिएको समस्या समाधान गर्न पार्टीको १० औँ महाधिवेशनले अध्यक्ष केपी शर्मा ओलीकै नेतृत्वमा केन्द्रीय कार्यसमिति चयन गर्नुपरेको बताउनुभयो । उहाँले न्याय क्षेत्रको अप्ठ्यारो हटाउनका लागि आउँदाे चुनावमा दुई तिहाइ मत दिएर विजयी गराउन आम नागरिकलाई आफूहरूले आग्रह गरेको समेत बताउनुभयो ।

कार्यालय सचिव तामाङले भन्नुभयो, ‘केही महिनाभित्र हामी चुनावमा जाँदैछौँ । हामीलाई विश्वास छ– केपी ओलीको अगुवाइमा हामी बहुमतले मात्र नभइ दुई तिहाईले चुनाव जित्छाैँ । न्यायालयमा देखिएको आजको बबन्डर, आजको याे अप्ठ्यारो स्थितिलाई अन्त्य गर्न एकचोटि नेकपा एमालेले दुई तिहाइ ल्याउनै पर्छ । हामी दुई तिहाइसहित सरकारमा फर्कने गरी त्यसको अगुवाइ केपी ओलीले गर्नुहुन्छ र हामी सबैको त्यो विश्वास भएकाले महाधिवेशनले पनि उहाँलाई त्यो अधिकार दिएको हो । उहाँले प्रस्तुत गर्नुभएको नाम सर्वसम्मत छ ।’

कार्यालय सचिव तामाङले अध्यक्ष केपी ओलीले पार्टीको केन्द्रीय कमिटीका लागि प्रस्तुत गर्नुभएको नामावली योग्य रहेको दाबीसमेत गर्नुभयो ।

अन्तिम अपडेट: माघ १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्