मुगुका आगलागी पीडितलाई प्रदेश सरकारले राहत उपलब्ध गराउने

मंसिर २३, २०७८ बिहीबार २०:१३:१५ | मुना हमाल

सुर्खेत – कर्णाली प्रदेश सरकारले मुगुका आगलागी पीडितका लागि राहतको प्याकेज ल्याएको छ । हिजाे बुधवार बसेको मन्त्रिपरिषद्को बैठकले राहत उपलब्ध गराउने निर्णय गरेको हो ।

गएको कात्तिक २९ गते मुगुको गमगढी बजारमा आगलागी भएको थियो । बैठकले राहतका लागि ६१ लाख ८५ हजार रुपैयाँ उपलब्ध गराउन जिल्ला प्रशासन कार्यालय मुगुलाई निकासाका लागि स्वीकृत दिएको छ ।

आगलागी पीडितलाई क्षतिको आधारमा २० हजारदेखि चार लाख रुपैयाँसम्म राहत उपलब्ध गराइने भएको हो । ८६ परिवारलाई क्षतिको आधारमा राहत उपलब्ध गराउने निर्णय भएको सरकारका प्रवक्ता एवम् आर्थिक मामिला तथा योजनामन्त्री बिन्दमान विष्टले पत्रकार सम्मेलनमा जानकारी दिनुभयो ।

आगलागीबाट पूर्ण क्षति भएका २० र आंशिक क्षति भएका पाँच घर, व्यवसायमा क्षति भएका २६ जना र घरभाडामा बस्ने २५ परिवारलाई राहत उपलब्ध गराउने उहाँले बताउनुभयो ।

मन्त्री विष्टका अनुसार पूर्ण क्षति अन्तर्गत १० लाखसम्म क्षति भएकालाई एक लाख, दश लाखदेखि ५० लाखसम्म क्षति भएकालाई एक लाख ५० हजार, ५१ लाखदेखि एक करोडसम्म क्षति भएकालाई दुई लाख, एक करोडदेखि एक करोड ५० लाखसम्म क्षति भएकालाई दुई लाख ५० हजार, डेढ करोडदेखि तीन करोडसम्म क्षति भएकालाई तीन लाख ५० हजार रुपैयाँ राहत उपलब्ध गराइने छ । तीन करोडभन्दा माथि क्षति भएकालाई चार लाख रुपैयाँ राहत उपलब्ध गराइने छ ।

त्यस्तै आंशिक क्षति भएका घर अन्तर्गत एक लाख क्षति भएकालाई २५ हजार, २७ लाखदेखि ५० लाखसम्म क्षति भएकालाई ५० हजार र ५० लाख वा त्याेभन्दा बढी क्षति भएकालाई ७५ हजार रुपैयाँ उपलब्ध गराइने छ ।

यस्तै व्यवसाय अन्तर्गत २० लाखसम्म क्षति भएकालाई तीस हजार, २१ लाखदेखि ४५ लाखसम्म क्षति भएकालाई ५० हजा, ४६ लाखदेखि ७० लाखसम्म क्षति भएकालाई ७५ हजार र एक करोड वा त्याेभन्दा बढी क्षति भएकालाई एक लाख रुपैयाँ उपलब्ध गराइने भएको छ ।

यस्तै भाडामा बस्ने परिवार अन्तर्गत १० लाखसम्म क्षति भएकालाई २० हजार, २० लाखदेखि २५ लाखसम्म क्षति भएकालाई ४० हजार र ५० लाखभन्दा बढी क्षति भएकालाई ६० हजार रुपैयाँ उपलब्ध गराइने भएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मुगुका आगलागी पीडितलाई प्रदेश सरकारले राहत उपलब्ध गराउने

मुगुकाे गमगढी बजारमा आगलागीपछिकाे दृश्य

तपाईको प्रतिक्रिया