एमसीसीमा अब थप राजनीति नहोस् : विवेकशील साझा

फागुन १६, २०७८ सोमबार १३:१९:१७ | उज्यालो सहकर्मी

काठमाण्डाै – विवेकशील साझा पार्टीले अमेरिकी सहायता मिलेनियमन च्यालेन्ज कर्पाेरेशन (एमसीसी) सम्झौतालाई लिएर थप राजनीति नगर्न भनेकाे छ । विवेकशीलले एमसीसीलाई गिजोलेर चरम सत्ता दाउपेचको विषय बनाउँदै कुनै संवैधानिक तथा कानुनी हैसियत नहुने व्याख्यात्मक टिप्पणीको लेपन लगाएर अनुमोदन गरिएबाट नेपाली राजनीति कति रसातलमा बहिरहेको छ भन्ने प्रस्ट भएको जनाएकाे छ ।

‘एमसीसी निहीत राजनीतिक स्वार्थहरूका कारण पारित भएको पार्टीले ठहर भएकाे छ । संसदमा देशको हितबारेको बहस गौण हुनु र सत्ता समीकरण प्रधान हुनु अत्यन्तै चिन्ता र खेदजनक विषय हो’, प्रवक्ता शरदराज पाठकले निकाल्नुभएकाे विज्ञप्तिमा भनिएकाे छ ।

सत्ता गठबन्धन र प्रतिपक्षी दलको अपरिपक्व र गैरजिम्मेवारीपूर्ण शैली एवम् संवेदनशील समयमा प्रदर्शित उत्ताउलो रवैयाका कारण चीन र अमेरिकाको अस्वाभाविक सक्रियता बढेर एमसीसी पेचिलो भूराजनीतिक मुद्दा बन्न पुग्नु नेपालकाे लागि शुभ सङ्केत नभएकाे विवकेशीलले जनाएकाे छ ।

‘अबका दिनहरूमा एमसीसीमाथि थप राजनीति गर्नु भनेको बढ्दो रूपमा संवेदनशील बन्दै गएको नेपालको भूराजनीतिक जटिलतालाई अझ बल्झाउनु हो । एमसीसी सम्झौतामाथि हालैका वर्षमा जे जति बहस र राजनीति भए, त्यसले भविष्यमा विदेशी ऋण–अनुदान लिनु र सन्धि–सम्झौता हुनुअघि गरिनुपर्ने गृहकार्य र देखाउनुपर्ने सुझबुझलाई निर्देशित गर्न सक्यो भने त्यो देशका लागि फलदायी हुनेछ’ विज्ञप्तिमा उल्लेख छ ।

विवेकशील साझा पार्टीले आमरूपमा उठेका प्रश्नहरूको सम्बोधनसहित आवश्यक संशोधनविना एमसीसी सम्झौता यथारूपमा पारित गरिनुहुन्न भन्दै आएकाे छ ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्