एसिया कप : बंगलादेशविरुद्ध भारतको शानदार जित

असोज ६, २०७५ शनिबार ६:१३:४८ | एजेन्सी

एसिया कप क्रिकेटको सुपर फोर अन्तर्गतको पहिलो खेलमा भारतले बंगलादेशलाई सात विकेटले हराएको छ ।

टस हारी पहिला ब्याटिङ गरेको बंगलादेशले ४९.१ ओभरमा सबै विकेट गुमाएर १७३ रन बनाएको थियो ।

१ सय १ रन बनाउँदा बंगलादेशले ७ विकेट गुमाएको थियो । त्यसपछि केही सुधारिएको प्रदर्शन गरे पनि भारतविरुद्ध ठूलो स्कोर भने खडा गर्न सकेन । बंगलादेशका लागि मेहदी हसनले सर्वाधिक ४२ रन बनाउँदा मसरफे मोर्तजाले २६ रन बनाएका थिए ।

बंगलादेशविरुद्ध भारतीय बलहरु हाबी हुने क्रममा रविन्द्र जडेजाले ४ विकेट लिए । भुवनेश्वर कुमार र जसप्रित बुमराहले तीन तीन विकेट लिए ।

१७४ रनको विजयी लक्ष्य भारतले तीन विकेट गुमाउँदै ३६.२ ओभरमै पूरा गर्यो ।

रोहित शर्माले कप्तानी पारी खेल्दै नटआउट ८३ रन बनाए । त्यस्तै ओपनर शिखर धवनले ४७ बलमा ४० रनको योगदान दिए । त्यस्तै तेस्रो नम्बरमा ब्याटिङका लागि आएका अम्बाती रायुडुले १३ रन बनाए । त्यसपछि ब्याटिङ गर्न आएका महेन्द्रसिहं धोनीले ३३ रनको योगदान दिए ।

बंगलादेशका लागि शकिब अल हसन, रुबेल हुसेन तथा मसरफे मोर्तजाले समान एक–एक विकेट लिए ।

एसिया कपमा भारतले आइतबार पाकिस्तानसँग खेल्नेछ । समूह चरणको खेलमा भारतले पाकिस्तानलाई आठ विकेटले हराएको थियो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्