माधव नेपालले सन्न्यास लिए हुन्छ : याेगेश भट्टराई

असार १२, २०७९ आइतबार १९:४३:४२ | उज्यालो सहकर्मी

काठमाण्डाै – नेकपा एमालेका सचिव एवम् सांसद योगेश भट्टराईले नेकपा (एकीकृत समाजवादी) का अध्यक्ष माधवकुमार नेपाललाई सन्न्यास लिएर बस्न सुझाव दिनुभएको छ ।

आज आइतवार प्रतिनिधि सभाको बैठकपछि सञ्चारकर्मीहरूसँग कुरा गर्दै सांसद भट्टराईले अध्यक्ष नेपाल राजनीति र जीवन दुवैको उत्तरार्द्धमा रहेकोले सन्न्यास लिएर बस्न सुझाव दिनुभएको हो । उहाँले केही दिनअघि अध्यक्ष नेपालले १० भाइ एमालेका दास हौ, तिमीहरूले हाम्रो खैरो खन्छौ भन्ने भाषण गरेकोप्रति सांसद भट्टराईले माधव नेपालजत्तिको शीर्ष नेताले सम्हालिएर बोल्नुपर्ने बताउनुभयो ।

उहाँले भन्नुभयाे, ‘माधव नेपालजस्तो शीर्ष नेताले त्यो ढङ्गले बोल्ने कुरा मलाई त्यति ठिक लाग्दैन । उहाँ सम्हालिनुपर्छ । अर्को कुरा उहाँ जीवनको उत्तरार्द्धमा हुनुहुन्छ । राजनीतिको पनि उत्तरार्द्धमा हुनुहुन्छ । उहाँका बारेमा धेरै टिप्पणी किन गर्नु ? उहाँको आउँदाे अवकाशको जीवन राम्रो बितोस् । उहाँ अवकाश लिने बेलामा अर्को पार्टी बनाउँछु भनेर धुलो उडाउँदै हिँडुनभएको छ, त्यो असम्भव कुरा हो । असम्भव कुरामा दौडिने नभइ आफ्ना गल्तीहरूलाई रिलाइजेशन गरेर अब नयाँ पुस्तालाई राजनीति, पार्टी सुम्पेर आफू आनन्दले बस्ने हाे । सन्न्यासी मान्छेले मुख छोड्दै हिँड्दैन ।’

सांसद भट्टराईले नेकपा एमालेको विभाजनको औचित्य कहिल्यै नरहेको भन्दै विभाजित भएर जानेहरूले आत्मबोध गरेर आए पार्टीमा स्वागत गर्ने बताउनुभयो । उहाँले समाजवादीका नेताहरूले एमालेले सर्त माने एकता हुने कुरा गर्नुको तुक नरहेको स्पष्ट पार्नुभयो ।

त्यस्तै नेकपा एमालेका सांसद शेरबहादुर तामाङले सबै नेताहरूले घमण्ड त्यागेर समीक्षा गर्न आवश्यक रहेको बताउनुभयो । उहाँले कम्युनिस्टहरूकाे जनमत लगभग दुई तिहाइ भए पनि विभाजित हुँदा त्यसको अर्थ नदेखिएको बताउनुभयो । उहाँले एकीकृत समाजवादी पार्टीले एकता गर्ने कुरा राखेका सर्तहरुमा छलफल हुन आवश्यक रहेकाे उल्लेख गर्नुभयाे ।

त्यस्तै नेकपा एमालेका सांसद खगराज अधिकारीले मूल घरमा फर्किन चाहनेहरूलाई एमालेले स्वागत गर्ने बताउनुभयो । आफ्नो बाटो गलत भयो भनेर समीक्षा गर्नेहरूलाई एमालेले क्षमताअनुसारको जिम्मा दिने पनि उहाँकाे भनाइ छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्