बेरुजुका विषयमा सरकारले अपनाएका विधिमा अध्ययन गर्न आवश्यक छ : मन्त्री शर्मा

असार १५, २०७९ बुधबार १६:८:४१ | उज्यालो सहकर्मी

काठमाण्डौ – अर्थ मन्त्री जनार्दन शर्माले बेरुजुका विषयमा सरकारले अपनाएका विधि र पद्धतिमा अध्ययन गर्न आवश्यक रहेको बताउनुभएको छ ।

आज बुधवार महालेखापरीक्षक कार्यालयको ७४ औँ वार्षिकोत्सव कार्यक्रममा बोल्दै अर्थ मन्त्री शर्माले सरकारको लेखापरीक्षण गर्ने विधि र पद्धतिमा अहिलेसम्म कहाँ त्रुटि भएको हो त्यसको अध्ययन, अनुसन्धान गर्न आवश्यक रहेको बताउनुभएको हो । उहाँले लेखापरीक्षण गर्ने सरकारको विधि, पद्धतिमा त्रुटि भएर बेरुजुमा एकपछि अर्को समस्या बढ्दै गएको बताउनुभयो ।

अर्थ मन्त्री शर्माले सार्वजनिक इकाइहरूमा जवाफदेहिता र पारदर्शिता अभिवृद्धि गर्दै सुशासन प्रवद्र्धन गर्न महालेखापरीक्षकको महत्त्वपूर्ण भूमिका रहेको पनि बताउनु भयो । उहाँले भन्नुभयो, ‘बेरुजु सम्बन्धमा हामीले अहिलेसम्म अपनाएका विधि र पद्धतिमा आवश्यक समीक्षा गर्नुपर्ने महसुस गरेको छु । हाम्रो लेखापरीक्षण गर्ने विधि र पद्धतिमा कहाँ त्रुटि छ ? किन एकपछि अर्को जटिल बन्दै गएको छ भन्ने कुराको फेरि पनि अध्ययन, अनुसन्धान र निराकरणको आवश्यकता मैले महसुस गरेको छु ।

अर्थ मन्त्री शर्माले पछिल्लो समय अर्थतन्त्रको आकार फराकिलो हुँदै गए पनि आर्थिक गतिविधिका परिसूचकहरूमा उत्तारचढाव आइरहेको बताउनुभयो । उहाँले अर्थतन्त्रमा पछिल्लो समय आर्थिक गतिविधिका परिसूचकहरूमा उत्तारचढाव भएको विषयमा अर्थतन्त्रको गहन अध्ययन, विश्लेषण र मूल्याङ्कन गर्न आवश्यक देखिएको बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्