कसरी लिने 'क्यू आर कोड' सहितको कोभिड खोप प्रमाणपत्र ?

 असार १९, २०७९ आइतबार २०:३०:८ | उज्यालो सहकर्मी
unn.prixa.net

क्यु आर काेड सहितको खोप प्रमाणपत्रका लागि आवेदन दिन चाहिने मन्त्रालयको वेबसाइट र प्रमाणपत्रकाे नमुना

स्वास्थ्य तथा जनसङ्ख्या मन्त्रालयकाे पछिल्लाे तथ्यांक अनुसार नेपालको ६९ प्रतिशत जनसङ्ख्यालाई पूर्ण खोप लगाइएको छ भने ७७ प्रतिशतले कम्तिमा एउटा खोप लगाएका छन् । खोप लगाएपछि सम्बन्धित स्वास्थ्य संस्था वा खोप केन्द्रले खोपको विवरण भएको कार्ड उपलब्ध गराउँछन्। तर खोप केन्द्रबाट प्राप्त उक्त कार्डले खोप लगाएको प्रमाणको रूपमा काम गर्दैन, विशेष गरी विदेश यात्रा गर्दा। विदेश यात्रा गर्नेले कोभिड-१९ विरुद्धको खोपको पूर्ण मात्रा लगाएको प्रमाणित गर्न नेपाल सरकारले उपलब्ध गराएको डिजिटल प्रमाणपत्र प्राप्त गर्नुपर्नेछ।

साउथ एसिया चेकले कोभिड खोपको प्रमाणिकरणका लागि प्राप्त गर्नुपर्ने क्यु आर कोडको बारेमा एक जानकारीमुलक सामग्री तयार पारेकाे छ।

के हो क्यु आर कोड ?

क्यु आर ‘क्वीक रेस्पोन्स’ को संक्षिप्त रूप हो । यसले वेब साइटको ठेगाना, एप डाउनलोडका लागि लिङ्कहरू र बैंक खाता विवरणहरू आदि संग्रह गर्छ। यसमा रहेको विवरणका आधारमा कोडको व्यवस्था फरक हुन्छ। क्यु आर कोड स्क्यान गर्ने एप वा स्मार्टफोन प्रयोग गरी सजिलै स्क्यान गर्न सकिन्छ। धेरैजसो स्मार्टफोनहरूमा आजकल क्यु आर कोड स्क्यानर हुन्छ । नभए एप डाउनलोड गर्नुपर्छ । स्मार्टफोन प्रयोगकर्ताहरूले वाइफाइमा जोड्न वा अनलाइन भुक्तानीका लागि क्यु आर कोड स्क्यानर प्रयोग गर्छन्।

व्यापक रूपमा प्रयोग हुने यो प्रविधि नेपाल सरकारले कोभिड-१९ खोप बारे जानकारीको संग्रह र पहुँच सहज बनाउनका साथै खोप प्रमाणपत्र जारी गर्न अपनाएको छ।

खोप लगाएपछि खोप केन्द्रले एउटा कार्ड दिन्छ जसमा खाेप लगाउने व्यक्तिको विवरण र लगाएको खोपको बारेमा जानकारी हुन्छ। एकपटक पूर्ण खोप लगाएपछि तपाईले क्यु आर कोड भएको डिजिटल प्रमाणपत्रको लागि आवेदन दिन सक्नुहुन्छ। स्वास्थ्य मन्त्रालय र स्थानीय स्वास्थ्य संस्थाहरूमा खोप प्रमाणपत्रका लागि निवेदन दिनुपर्छ। स्वास्थ्य मन्त्रालयस्थित व्यवस्थापन महाशाखाका प्रमुख डा रुद्रप्रसाद मरासिनीका अनुसार क्यु आर कोडमा व्यक्तिले लगाएका सबै डोज खोपको बारेमा जानकारी समावेश गरिएकाे हुन्छ । “उक्त जानकारी क्यु आर कोडमा संग्रहित हुन्छ जुन विश्वभर स्क्यान गरी हेर्न सकिन्छ सकिन्छ,” उनले भने ।

यो किन आवश्यक छ?

क्यु आर कोड सहितको खोप प्रमाणपत्र व्यक्तिले कोभिड-१९ विरुद्धको खोपको पूर्ण मात्रा लगाएको प्रमाण हो। यो प्रमाणपत्र स्वास्थ्य मन्त्रालय अन्तर्गत स्वास्थ्य सेवा विभागका अधिकारीहरू र सम्बन्धित स्थानीय सरकारका स्वास्थ्य एकाइले प्रमाणित गर्छन्।

क्यु आर कोडले मन्त्रालयको  वेबसाइटमा पुर्याउँछ जहाँ प्रयोगकर्ताको बारेमा, खोप र खोप लगाएको मिति बारे जानकारी हुन्छ।

त्रिभुवन अन्तर्राष्ट्रिय विमानस्थलस्थित अन्तर्राष्ट्रिय टर्मिनल भवन। तस्बिरः साउथ एसिया चेक  

कसरी प्राप्त गर्न सकिन्छ क्यु आर कोड?

क्यु आर कोड सहितको खोप प्रमाणपत्रको लागि आवेदन दिन तपाईले पहिले कोभिड विरुद्धको खोपको पूरा मात्रा लगाएको हुनुपर्छ। तपाईले त्यसको कार्ड प्राप्त गरेपछि https://vaccine.mohp.gov.np/public-request-form मार्फत क्यु आर कोडको लागि अनलाइन आवेदन दिन सक्नुहुन्छ।

माथिको वेबसाइटमा उलब्ध फाराममा खोपको नाम र ब्याच नम्बर भर्नुपर्छ। त्यसमा खोप लगाएको मिति र स्थानको बारेमा विवरणहरू दिनु पर्दछ।

यी विवरणहरू प्रस्तुत गरेपछि तपाईले निम्न कागजातहरूको फोटो खिची वा स्क्यान गरेर वेबसाइटमा अपलोड गर्नुपर्छ।

१. नागरिकता प्रमाणपत्र

२. पासपोर्ट साइज फोटो

३. खोप कार्ड

तपाईले आवेदन दिएपछि दर्ता नम्बर प्राप्त गर्नुहुन्छ।

यदि कार्डमा स्थानीय सरकार, खोप केन्द्र वा स्ट्याम्प प्रष्ट छैन भने तपाईले खोप केन्द्रमा सम्पर्क गर्नुपर्छ। त्यस्ता अस्पष्ट वा अपुरा कागजात पेश गरेमा क्यु आर कोड प्रमाणपत्रको आवेदन अस्वीकृत हुन सक्छ।

के अफलाइन आवेदन दिन सकिन्छ?

क्यु आर कोड सहितको खोप प्रमाणपत्र प्राप्त गर्ने सबैभन्दा सजिलो तरिका अनलाइन आवेदन दिनु हो। तर, यदि तपाई अनलाइन आवेदन दिन सक्नुहुन्न भने आवश्यक कागजातसहित सम्बन्धित स्थानीय सरकार वा स्वास्थ्य सेवा विभागमा छापिएको फाराम बुझाउन सकिन्छ । यी संस्थाहरूले त्यसपछि कम्प्युटरमा सो फाराम र कागजात स्क्यान गरी अपलोड गर्छन्।

क्यु आर कोड सहितको प्रमाणपत्र बन्न कति समय लाग्छ?

आवेदकहरूलाई तुरुन्तै क्यु आर कोड उपलब्ध गराउने सरकारी नीति भएता पनि कामको बोझ धेरै भएकाले त्यसलाई प्रमाणित गर्न र जारी गर्न ७२ घण्टादेखि सात दिनसम्म लाग्छ । तपाईलाई जरुरी छ भने स्थानीय सरकार वा स्वास्थ्य सेवा विभागमा सम्पर्क गर्न सक्नुहुन्छ।

आफ्नो क्यु आर कोड सहितको प्रमाणपत्र प्राप्त गर्न तपाईले https://vaccine.mohp.gov.np/verify-status मा लग इन गर्नु पर्छ। दर्ता नम्बर प्रस्तुत गरेपछि आफ्नो खोप प्रमाणपत्र डाउनलोड गर्न सकिन्छ। यसलाई नागरिक एपबाट पनि डाउनलोड गर्न सकिन्छ।

क्यु आर कोड सहितको खोप प्रमाणपत्र व्यक्तिले कोभिड-१९ विरुद्धको खोपको पूरा मात्रा प्राप्त गरेको प्रमाण हो। यो प्रमाणपत्र मन्त्रालय अन्तर्गत स्वास्थ्य सेवा विभागका अधिकारीहरू र सम्बन्धित स्थानीय सरकारका स्वास्थ्य एकाइहरूद्वारा प्रमाणित गरिन्छ।

त्रिभुवन अन्तर्राष्ट्रिय विमानस्थलमा कतार एयरवेजको विमान। तस्बिरः साउथ एसिया चेक।

के देशभित्रै यात्रा गर्दा यो चाहिन्छ?

चाहिँदैन ।आन्तरिक यात्रा गर्दा यो आवश्यक नभएको वायुसेवा सञ्चालक संघका प्रवक्ता योगराज शर्मा कँडेलले बताए। “यात्रुहरूले आन्तरिक हवाई यात्राका लागि खोप केन्द्रले उपलब्ध गराएको खोप कार्ड देखाउनुपर्छ। तर क्यु आर कोड आवश्यक छैन,” उनले साउथ एसिया चेकलाई भने।

कति खर्च लाग्छ?

यो नेपाल सरकारले प्रदान गर्ने निशुल्क सेवा हो। यसको मतलब आवेदन प्रक्रियाको कुनै पनि चरणमा पैसा तिर्नु पर्दैन।

आवेदन प्रक्रियाको लागि तलका प्रक्रिया पूरा गर्नुहोस् :

  •  https://vaccine.mohp.gov.np/public-request-form मा लग इन गर्नुहोस् ।
  • आवश्यक सबै विवरणहरू उल्लेख गरेर फाराम भर्नुहोस्।
  • खोप केन्द्रले जारी गरेको खोप कार्ड, आफ्नो नागरिकता प्रमाणपत्र, राहदानी साइजको फोटो अपलोड गर्नुहोस्।
  • आवेदन पेश गर्नुहोस्।
  • दर्ता नम्बर टिप्नुहोस्।
  • प्रमाणपत्र डाउनलोड गर्न https://vaccine.mohp.gov.np/verify-status मा लग इन गर्नुहोस्।
  • प्रमाणपत्र डाउनलोड गर्न https://vaccine.mohp.gov.np/verify-status मा लग इन गर्नुहोस्।
  • दर्ता नम्बर प्रविष्ट गर्नुहोस् र प्रमाणपत्र डाउनलोड गर्नुहोस्।

'साउथ एसिया चेक' बाट 

अन्तिम अपडेट: मंसिर ६, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

4 Comments

  • pawan ale

    Aug. 18, 2023, 3:19 p.m.

    Mero dubai ko visa aaesakyo sir kati time laagacha hola maile vaccine apply garko 3 din bayo

  •  0 Reply

  • Tirtha Binadi

    July 5, 2022, 6:22 p.m.

    How to make Qr

  •  0 Reply

  • Gayatra phyal

    July 5, 2022, 7:21 a.m.

    Covid card

  •  0 Reply

  • Suresh khadka

    July 4, 2022, 8:27 p.m.

    Qr code

  •  0 Reply

तपाईको प्रतिक्रिया

समाचार

लोकप्रिय

१

जहाजमा उड्ने पैसा नहुँदा विश्वकप क्रिकेट खेल्न नेत्रहीन टोली रेलबाटै पाकिस्तान प्रस्थान

२

नेपाल एअरलाइन्सको अन्तर्राष्ट्रिय भाडादरमा छुट

३

अलैंचीको मूल्य उच्च विन्दूमा, ४० किलाेकाे एक लाख सात हजार रुपैयाँ

४

हवाई भाडा नघटेकोमा पर्यटनमन्त्री पाण्डे आक्रोशित, २४ घण्टाभित्र टिकटको मूल्य उपलब्ध गराउन निर्देशन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई