विदेशमा शरण खोज्ने चिनियाँ नागरिकको संख्या बढ्दो

असार २२, २०७९ बुधबार ९:७:२९ | एजेन्सी

विदेशमा शरण खोज्ने चिनियाँ नागरिकको संख्या बढ्दै गएको छ । पछिल्ला केही वर्षदेखि चीनबाट शरण खोज्नेहरूको सङ्ख्या बढ्दै गएको गैरसरकारी संस्था सेफगार्ड डिफेन्डर्सले विश्लेषणसहित प्रकाशन गरेको तथ्याङ्कमा उल्लेख छ ।

कोरोना महामारी विरूद्ध चीनको शून्य नीति र अन्य प्रतिबन्धका बाबजुद शरण खोज्नेहरूको सङ्ख्यामा उल्लेख्य वृद्धि भएको प्रतिवेदनमा उल्लेख छ । सन् २०१२ यता झण्डै सात लाख ३० हजार चिनियाँ नागरिकले विदेशमा शरण मागेका प्रतिवेदनलाई उल्लेख गरी समाचार संस्था एएनआईले जनाएको छ । शरण माग्ने ती नागरिकमध्ये एक लाख ७० हजारभन्दा धेरैले चीन बाहिर शरणार्थीका रूपमा जीवन यापन गरिरहेका छन् ।

विदेशमा शरण खोज्ने चिनियाँका लागि अमेरिका पहिलो रोजाईँमा परेको छ । सन् २०२१ मा अमेरिकाले ८८ हजार ७ सय २२ चिनियाँ नागरिकको आवेदन स्वीकार गरेको छ । त्यस्तै अष्ट्रेलियाले १५ हजार ७ सय ७४ शरणार्थीलाई लिएको सेफगार्ड डिफेन्डर्स संस्थाको प्रतिवेदनमा उल्लेख छ । क्यानडा, ब्राजिल, दक्षिण कोरिया र बेलायतमा पनि शरण लिन आवेदन दिनेहरु रहेका छन् ।

अन्तिम अपडेट: पुस १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्