अन्न निर्यात गर्न पाउने सम्झौताको केही घण्टामै रुसद्वारा युक्रेनी बन्दरगाहमा आक्रमण

साउन ८, २०७९ आइतबार ९:२२:७ | एजेन्सी

अन्न निर्यात गर्न पाउनेबारे रुस र युक्रेनले महत्त्वपूर्ण सम्झौता गरेको एक दिनपछि रुसले युक्रेनी बन्दरगाहमा आक्रमण गरेको छ ।

पश्चिमी सहर ओडेसामा रुसले दुई वटा क्षेप्यास्त्र प्रहार गरेको युक्रेनको सेनाले जनाएको छ । युक्रेनी हवाई सुरक्षाका प्रमुखले बन्दरगाहका अन्न भण्डारलाई नियतवश निसाना बनाइएको आरोप लगाएका बीबीसीले जनाएको छ ।

युरोपेली सङ्घ ईयूका विदेश नीति प्रमुख जुजेप बोरेलले यो आक्रमणले रुसले अन्तर्राष्ट्रिय कानुनलाई पूरै बेवास्ता गरेको देखिएको टिप्पणी गर्नुभएको छ । संयुक्त राष्ट्र सङ्घका महासचिव एन्टाेनियो गुटेरसले पनि आक्रमणको निन्दा गरी सम्झौताको कार्यान्वयन निकै महत्त्वपूर्ण हुनेमा जोड दिनुभएको छ ।

यसअघि रुस र युक्रेनबीच भएको सम्झौताको सर्तमा अन्न निर्यातको काम हुँदा बन्दरगाहलाई निसाना नबनाइने विषय उल्लेख छ । महिनौँको युद्धपछि भएको यो सम्झौतालाई संयुक्त राष्ट्र सङ्घले एउटा आशाको किरणका रुपमा लिएको थियो ।

युक्रेनी राष्ट्रपति भोलोदिमिर जेलेन्स्कीको कार्यालयका प्रमुखले रुसले योजनाबद्ध ढङ्गले खाद्य सङ्कट सिर्जना गरिरहेको आरोप लगाएका छन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अन्न निर्यात गर्न पाउने सम्झौताको केही घण्टामै रुसद्वारा युक्रेनी बन्दरगाहमा आक्रमण

तस्बिर : राेयटर्स

तपाईको प्रतिक्रिया