किरा लागेको भन्दै खाद्य संस्थानको चामल फिर्ता

जेठ २३, २०७५ बुधबार ८:२६:५ | राजु लामिछाने

रुकुम (पश्चिम) – जिल्ला खाद्य संस्थानबाट दुर्गम क्षेत्रमा पठाएको चामलमा किरा लागेको भन्दै स्थानीयबासिन्दाले फिर्ता गरेका छन् ।

आठबीसकोट नगरपालिका वडा नं. १ र २ स्यालाखदीमा पठाएको चामल स्थानीयबासिन्दाले फिर्ता पठाएका हुन् । स्यालाखदीमा वितरणका लागि लगिएको ४० क्वीन्टल चामल म्याद नाघेको र किरा लागेको स्थानीयबासिन्दाको भनाई छ ।

स्थानीय चन्द्रमाया यरीले चामल लिन गएको र चामलमा किरा लागेको देखेपछि नलिईकन आएको बताउनुभयो । दुर्गम क्षेत्रका बासिन्दालाई झुक्याएर खाद्य संस्थानले म्याद सकिएको गुणस्तरहीन चामल वितरण गर्न खोजेको स्थानीय देबवहादुर यरीले आरोप लगाउनुभयो ।

जिल्ला खाद्य संस्थानका चन्द्र खड्काले भने चामलको गुणस्तर जाँच गरेर नै पठाएको प्रतिक्रिया दिनुभयो । उहाँले एक वर्ष खघिदेखि स्टोर गरेर राखेको चामल पठाएको स्वीकार गर्दै चालममा सामान्य घुन किरा लागेको र बोरा पुरानो भएकाले स्थानीयबासिन्दाले शंका गरेको बताउनुभयो ।

चामल फिर्ता आएपछि खाद्य संस्थान रुकुमले केन्द्रमा चामल खान मिल्न हो कि नमिल्ने भने थप जाँच गर्नका लगि अनुरोध गरेको छ । प्राविधिकको टोली दुई/तीन दिनमा रुकुम पुगेर चामलको गुणस्तर जाँच गर्ने कार्यालयले जनाएको छ । यी चामलको बोरामा चामल प्याक गरेको, प्रयोग गर्न मिल्ने मितिसमेत उल्लेख गरिएको छैन ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्