अब प्राधिकरण र मन्त्रालयले बिजुली गाडीमात्र किन्नु पर्छ : मन्त्री भुसाल

भदौ १, २०७९ बुधबार १९:८:० | उज्यालो सहकर्मी

काठमाण्डौ – ऊर्जा, जलस्रोत तथा सिँचाइमन्त्री पम्फा भुसालले मन्त्रालयले अब बिजुली गाडीमात्र खरिद गर्नुपर्ने बताउनुभएको छ ।

बुधवार काठमाण्डौमा आयोजित नेपाल विद्युत् प्राधिकरणको ३७ औँ वार्षिकोत्सवमा बोल्दै मन्त्री भुसालले यस्तो बताउनुभएको हो । उहाँले विद्युत् प्राधिकरण र ऊर्जा मन्त्रालयले बिजुली गाडीमात्र खरिद गर्नुपर्ने बताउनुभयो ।

उहाँले भन्नुभयो, ‘सरकारले विद्युत् खपत गर्ने नीति तथा कार्यक्रमसँगै अगाडि बढाएको छ । प्राधिकरणले बिजुली गाडी खरिद गर्ने साथै चार्जिङ स्टेशन बनाउँदै विद्युतीय पूर्वाधारहरूको विस्तारलाई तीव्र गतिमा अगाडि बढाउनुपर्छ । ऊर्जा मन्त्रालयमा पनि अब खरिद गरिने गाडी विद्युतीय मात्रै हुनु पर्नेछ ।

मन्त्री भुसालले प्राधिकरणले विद्युतीय चुल्होको प्रयोग बढाउँदै लाने योजनालाई पनि प्रभावकारी ढङ्गबाट अघि बढाउनुपर्ने बताउनुभयो ।

मन्त्री भुसालले धेरै विद्युत् उत्पादन गर्न नसकिने मिटर जोड्न महिनौँ लगाउने प्राधिकरणका कर्मचारीलाई कारबाही गर्न निर्देशन दिनुभयो । उहाँले मन्त्रालयका मन्त्री र कर्मचारी विद्युत् खपत बढाउन अनुरोध गर्दै मिटर जोड्ने कामलाई महिनौँ लगाउने प्रवृत्तिको अन्त्य हुनुपर्ने बताउनुभयो । मन्त्री भुसालले निजी क्षेत्रले भोगेका समस्यामा सरकार गम्भीर रहेको बताउनुभयो ।

मन्त्री भुसालले प्राधिकरणका कर्मचारीका लागि ५२ महिनाको जीवन बीमाको व्यवस्था गर्ने र ज्यालामा काम गर्ने कर्मचारीलाई मासिक ज्यालादारी कर्मचारी बनाउने बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अब प्राधिकरण र मन्त्रालयले बिजुली गाडीमात्र किन्नु पर्छ : मन्त्री भुसाल

फाइल तस्बिर

तपाईको प्रतिक्रिया