न्युजिल्यान्डसँगको पहिलो एक दिवसीय क्रिकेटमा वेस्ट इन्डिज ५ विकेटले विजयी

भदौ २, २०७९ बिहीबार ८:५१:१९ | उज्यालो सहकर्मी

काठमाण्डाै - न्युजिल्यान्डसँगको पहिलो एक दिवसीय क्रिकेटमा घरेलु टोली वेस्ट इन्डिज ५ विकेटले विजयी भएको छ ।

ब्रिजटाउनमा आज बिहान भएको खेलमा न्युजिल्यान्डले दिएको १ सय ९१ रनको लक्ष्य वेस्ट इन्डिजले ३९ ओभरमा ५ विकेट गुमाएर भेट्टायो । उसका शामरन ब्रुक्सले ७९ रनको अर्धशतकीय पारी खेले ।

कप्तान निकोलस पुरनले २८ तथा शाई होपले २६ रन बनाए । पाहुना टोली न्युजिल्यान्डका ट्रेन्ट बोल्ट र टिम साउदीले समान २/२ तथा मिचेल स्याट्नीरले १ विकेट लिए । त्यसअघि पहिले ब्याटिङ गरेको न्युजिल्यान्डले अलआउट हुँदै १ सय ९० रन बनाएको थियो । उसका कप्तान केन विलियम्सले ३५ तथा मिचेल ब्राकिवेलले ३१ रन बनाए ।

वेस्ट इन्डिजका अकिल होसेन र अल्जारी जोसेपले समान ३/३ तथा जासन होल्डरले २ विकेट लिए । जितसँगै तीन खेलको एक दिवसीय शृङ्खलामा घरेलु टोली वेस्ट इन्डिजले १–० को अग्रता बनाएको छ । दोस्रो एक दिवसीय भोलि र तेस्रो तथा अन्तिम खेल आइतवार हुनेछ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्