अस्ट्रेलियाले नेपालको जलस्रोत व्यवस्थापनमा तालिम र प्राविधिक सहयोग गर्ने

भदौ १४, २०७९ मंगलबार १७:४१:८ | उज्यालो सहकर्मी

नेपाल र अस्ट्रेलियाबीचको द्विपक्षीय परामर्श संयन्त्र बीसीएमको दोस्रो बैठक अस्ट्रेलियाकाे क्यानबेरामा सम्पन्न भएको छ । दुई देशकाे परराष्ट्र विभागको बीसीएमको बैठकमा नेपालको तर्फबाट परराष्ट्र सचिव भरतराज पौड्याल र अस्ट्रेलियलाको तर्फबाट विभागका उपसचिव जस्टिन हेहर्स्टले नेतृत्व गर्नुभएको थियो ।

यसअघि हिजो साेमवार नेपाल र अस्ट्रेलियाबीच जलस्रोतमा सहयोगसम्बन्धी समझदारीपत्रमा हस्ताक्षर भएकाे थियो । समझदारीअनुसार अस्ट्रेलियाले नेपालको जलस्रोत व्यवस्थापनमा तालिम र प्राविधिक सहयोग गर्नेछ । बैठकमा नेपाल र अस्ट्रेलियाबीचको द्विपक्षीय सम्बन्धको समीक्षा गर्दै सम्बन्ध र सहयोगलाई थप सुदृढ बनाउने विषयमा विचार आदानप्रदान भएको अस्ट्रेलियामा रहेको नेपाली दूतावासले जनाएको छ ।

यस्तै बैठकमा शिक्षा, ऊर्जा, लगानी, व्यापार, पर्यटनलगायत विभिन्न क्षेत्रमा प्रविधि हस्तान्तरण, बसाइसराइँ, जलवायु कार्यमा सहयोग, प्रकोप जोखिम न्यूनीकरण र अन्य थुप्रै विषयमा दुवै पक्ष उच्चस्तरीय आदानप्रदानलाई प्राथमिकतामा राख्न सहमत भएका छन् । अस्ट्रेलियाले नेपालको व्यापार वृद्धिमा लगानी र सहजीकरण गर्ने तथा प्रविधि हस्तान्तरणको आश्वासन दिएको छ ।

यस्तै नेपाललाई अस्ट्रेलियाले गरेको सहयोगको प्रशंसा गर्दै परराष्ट्र सचिव पौड्यालले धन्यवाद दिनुभएको छ भने अस्ट्रेलियाका उपसचिव जस्टिनले नेपालसँगको सम्बन्ध सुमधुर रहेकोमा खुसी व्यक्त गर्नुभएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्