चीनबाट बीआरआई आउँछ भन्ने पत्यार लागेकाे छैन : पूर्व अर्थमन्त्री पाण्डे

भदौ ३१, २०७९ शुक्रबार १९:२७:५९ | उज्यालो सहकर्मी

काठमाण्डाै – नेकपा एमालेका उपाध्यक्ष एवम् पूर्व अर्थमन्त्री सुरेन्द्र पाण्डेले नेपालले चीन सरकारले दिने 'बेल्ट एन्ड रोड इनिसिएटिभ' (बीआरआई) सहयोगको ठूलो अपेक्षा गर्न नहुने बताउनुभएको छ ।

शुक्रवार काठमाण्डाैमा भएको एक अन्तरक्रिया कार्यक्रममा बोल्दै पाण्डेले चीनले नेपालबाट आफ्नो देशमा कुनै किसिमको हस्तक्षेप नहोस् भनेर बीआरआई सहयोग गर्ने नीति लिएको भन्दै नेपालले त्याे सहयाेगकाे ठूलो अपेक्षा गर्न नहुने बताउनुभएको हो । उहाँले बीआरआई परियोजना चीनकाे आक्रामक योजना नभएर सामान्य मात्रै रहेको बताउनुभयो । चीनसँगको बीआरआई सहयोगको जति व्यापक चर्चा भए पनि बीआरआई आउँछ भन्ने आशा नभएको बताउनुभयो ।

उहाँले भन्नुभयो, ‘नेपालसँग चीनको सीमित मात्रै चाहना रहेको छ । जहाँ नेपालबाट चीनमा कुनै किसिमको हस्तक्षेप नहोस् भनेर मात्रै नेपाललाई सामान्य किसिमको सहयोग गरेर बस्ने नीति हो । बीआरआईको कुरा गर्दा पनि चीनको एग्रेसिभ योजना छैन सामान्य मात्रै देख्छु । काम गरिरहेको छ तर प्रगति केही छैन । अहिले जसरी बीआरआई एग्रेसिभ भएर नेपाल आउँछ त भनेर व्यापक चर्चा भएको छ । मलाई पत्यार लागेको छैन । चीनबाट बीआरआई आउँछ भन्ने लाग्दैन ।’

पूर्व अर्थमन्त्री पाण्डेले नेपाल चीनको मोनविज्ञान बुझेर मात्रै अगाडि बढ्नुपर्ने उल्लेख गर्नुभयो । उहाँले नेपाल सरकारले अमेरिकी सहयोग एमसीसी पास गरेर ठिक गरेको उल्लेख गर्नुभयाे । उहाँले नेपालमा एमसीसी आउँदा चीनलाई चिन्ता भएर चासो उठाएको भन्दै नेपालमा अमेरिकाको उपस्थिति धेरै भयो भने चीनमात्रै नभएर भारत पनि रिसाउने अवस्था आउने बताउनुभयो । उहाँले भारतले नै नेपाललाई धेरै सहयोग आउन दिने अवस्था नभएको भन्दै विदेशी राष्ट्रको स्वार्थलाई बुझेर मात्रै वैदेशिक लगानीसम्बन्धी नीति बनाउन सुझाव दिनुभयाे ।

पाण्डेले नेपालले भारतसँगको व्यापार नीति परिर्वतन गर्न नसके कहिल्यै पनि अगाडि बढ्न नसक्ने बताउनुभयो । उहाँले देशको नेतृत्वले वास्तविक अन्तर्राष्ट्रिय कुटनीतिलाई बुझ्न नसके अब नेतृत्वमा आउने नयाँ नेतृत्वले समेत दुःख पाउने बताउनुभयो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चीनबाट बीआरआई आउँछ भन्ने पत्यार लागेकाे छैन : पूर्व अर्थमन्त्री पाण्डे

फाइल तस्बिर

तपाईको प्रतिक्रिया