खादाको प्रयोगमा रोक, स्थानीय स्तरमै उत्पादित फूल, मालाको प्रयोगलाई उच्च प्राथमिकता

असोज ११, २०७९ मंगलबार १२:३३:९ | श्यामशितल परियार

लमजुङ – लमजुङको मर्स्याङ्दी गाउँपालिकाले सार्वजनिक कार्यक्रमहरुमा खादाको प्रयोगमा पूर्ण प्रतिबन्ध लगाएको छ । गाउँ कार्यपालिकाको बैठकले सरकारी तथा सार्वजनिक सभा, सम्मेलन तथा कार्यक्रममा खादा प्रयोगमा पूर्ण प्रतिबन्ध लगाउने निर्णय गरेको हो ।

स्थानीय उत्पादित वस्तु तथा सेवाको प्रवद्र्धन, विविधिकरण तथा बजारीकरण र वातावरणीय प्रभाव न्यूनीकरण गर्ने उद्देश्यले पालिकाभित्र खादाको प्रयोगमा प्रतिबन्ध लगाइएको गाउँपालिकाका अध्यक्ष अर्जुन गुरुङले बताउनुभयो । ‘तर अति आवश्यक धार्मिक कार्यक्रममा भने प्रयोगमा छुट दिइने छ’, उहाँले भन्नुभयो ।

गाउँपालिकाले सार्वजनिक सूचना जारी गर्दै याे निर्णय कार्यान्वयन गर्न सरोकारवाला सबैमा अपिल गरेको छ । स्थानीय फूल र माला प्रयोग गरि खादाको आयात रोक्न सकेमा स्थानीय पुँजीको सञ्चिति हुनुको साथै आय–आर्जनमा टेवा पुग्ने विश्वास लिइएको उहाँले बताउनुभयो ।

गाउँपालिकाले स्थानीयस्तरमा उत्पादित फूलको प्रयोग गरी यसको बिक्री–वितरण तथा बजारीकरण गरि आय–आर्जन वृद्धि र स्थानीय उत्पादनमा प्रोत्साहन गर्ने निर्णयसमेत गरेको छ । गाउँपालिकाको यस निर्णयले स्थानीय फूल उत्पादक किसानहरु खुशी भएका छन् ।

मर्स्याङ्दी गाउँपालिका–९ मा रहेकाे भालमचौर ‘मृचे नमूना कृषि फार्म’मा १० रोपनी र मर्स्याङ्दी कृषि फार्ममा ३ रोपनी क्षेत्रफलमा सयपत्री फूल खेति गरिएको छ । सो फार्मका प्रवर्द्धक नवीनराज कुईँकेलले बाह्रै महिना उत्पादन हुनेगरि फूल खेती गरिएको बताउनुभयो ।

‘गत वर्षबाट सुरु गरिएको फूल खेति राम्रो बजार लिएको छ । माग पनि बढेको छ । फार्मबाट यसवर्ष फूल तथा माला बिक्री सुरु भैसकेको छ,’ उहाँले भन्नुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्