राष्ट्र बैंक शेयर बजारप्रति नकारात्मक छैन : गभर्नर अधिकारी

माघ २९, २०७९ आइतबार १९:२६:४३ | उज्यालो सहकर्मी

काठमाण्डाै – नेपाल राष्ट्र बैंकका गभर्नर महाप्रसाद अधिकारीले नेपाल राष्ट्र बैंक शेयर बजार (पुँजी बजार) प्रति नकारात्मक नरहेको बताउनुभएको छ ।

आइतवार नेपाल आर्थिक पत्रकार समाज (सेजन) अवार्ड कार्यक्रममा बोल्दै गभर्नर अधिकारीले नेपाल राष्ट्र बैंक पुँजी बजारको विकास गर्न प्रतिबद्ध रहेको भन्दै कहिल्यै पुँजी बजारप्रति नकारात्मक नभएको बताउनुभयो । उहाँले शेयर बजार बढ्नु र कहिलेकाहीँ घट्नु स्वाभाविक भएको बताउनुभयो । पुँजी बजार हेर्ने छुट्टै केन्द्रिकृत नियमन निकायहरू भएको बताउँदै गभर्नर अधिकारीले धितोपत्र बोर्डले पुँजी बजारलाई नियन्त्रण र अनुगमन गर्ने बताउनुभयो ।

उहाँले भन्नुभयो,‘पुँजी बजारप्रति राष्ट्र बैंक नकारात्मक हुनुपर्ने अवस्था छैन । पुँजी बजार हेर्ने छुट्टै केन्द्रिकृत नियमन निकायहरू रहेका छन् । धितोपत्र बोर्डले पुँजी बजारलाई नियन्त्रण र अनुगमन गर्छ । राष्ट्र बैंकले नियमन गर्ने भनेको वित्तीय क्षेत्रभित्रका बैंक तथा वित्तीय संस्थाहरूलाई हो । नेपाली पुँजी बजारमा बाफियाभित्र ७० प्रतिशत संस्थाहरू समावेश भएको कारणले राष्ट्र बैंकले यी संस्थाहरूलाई गरेको रेगुलेशनको कारण कुनै न कुनै विषयले प्रभाव परेको होला । राष्ट्र बैंकले पुँजी बजारलाई असर परोस् भन्ने नियत लिएको हुँदैन । बैंकहरूसँग भएको पुँजी उत्पादनमूलक क्षेत्रमा लगानी होस् भन्ने चाहिना हो । प्रत्यक्षरूपमा शेयर बजारको विषयमा बोलेका हुँदैनौँ । शेयर बजारको शब्दहरू मौद्रिक नीतिमा नभएकाले अन्यथा लिएको पाएको छु ।’

गभर्नर अधिकारीले विदेशी मुद्रा सञ्चितिमा सन्तुलनमा राख्नका लागि आयात प्रतिबन्धको नीति लिएको भन्दै सहज भएसँगै खुल्दै गरेको बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

राष्ट्र बैंक शेयर बजारप्रति नकारात्मक छैन : गभर्नर अधिकारी

फाइल फाेटाे

तपाईको प्रतिक्रिया