वैदेशिक रोजगार बोर्ड र बिमामार्फत पाइने आर्थिक सहायतामा बिचौलियाको ठगी बढ्यो

फागुन ४, २०७९ बिहीबार १२:१६:३४ | उज्यालो सहकर्मी

काठमाण्डौ – वैदेशिक रोजगारीको क्रममा मृत्यु, अङ्गभङ्ग वा बिरामी भएर फर्किएका श्रमिकले वैदेशिक रोजगार बोर्ड र बिमामार्फत पाउने आर्थिक सहायतामा बिचौलियाले ठग्ने गरेको पाइएको छ ।

बिचौलियाहरूले घरसम्म पुगेर काम छिटो र सरल रूपमा गरिदिन्छु भन्दै प्रभावमा पारी रकम असुल्ने गरेको पाइएको बोर्डले जनाएको छ ।

श्रम स्वीकृति लिएर वैदेशिक रोजगारीमा गएकाहरूको श्रम अवधि भित्रै वैदेशिक रोजगारी कै क्रममा मृत्यु, अङ्गभङ्ग वा बिरामी भएमा कानुन अनुसार बोर्डबाट अधिकतम सात लाख रुपैयाँसम्म र बिमामार्फत पनि पैसा पाइन्छ । ज्यान गुमाउने श्रमिकको हकमा बिमा गरेको किसिम अनुसार अधिकतम १४ लाख रुपैयाँ पाउँछन् ।

यस्तो आर्थिक सहायता लिनका लागि तोकिएको ढाँचामा आवश्यक कागजातहरू राखी आफ्नै सम्बन्धित पालिकामार्फत निवेदन दिन पर्छ । आर्थिक सहायता लिनका लागि काठमाण्डौमा रहेको बोर्डको सचिवालयसम्म धाउन पर्दैन।

बोर्डका अनुसार यस्तो व्यवस्था हुँदा हुँदै पनि मृतक श्रमिकको घरमा वा अङ्गभङ्ग भएर स्वदेश फर्किएका श्रमिकको आफन्तलाई भेटी बिचौलियाहरूले प्रभावमा पार्ने र रकम असुल्ने गरेका छन् ।

त्यसैले बिमा र बोर्डमार्फत पाइने आर्थिक सहायता लिन कुनै पनि असम्बन्धित व्यक्ति र बिचौलियाको भरमा नपर्न, कुनै पनि रकम नदिन र आफ्नो बैङ्कसँग सम्बन्धित कागजात चेक र एटिएम कार्ड लगायत सुरक्षित राख्न बोर्डले अनुरोध गरेको छ ।

यदि कसैले सहयोग गर्छु भन्दै या अन्य कुनै प्रलोभनमा पारी दुःख दिएमा नजिकको प्रहरी कार्यालय वा जिल्ला प्रशासन कार्यालयमा उजुरी दिन सकिन्छ ।

यसका साथै आर्थिक सहायताबारे थप बुझ्न सकैले प्रलोभनमा पार्न खोजेमा नजिकको आप्रवासी स्रोत केन्द्रमा सहयोगका लागि सम्पर्क गर्न सकिन्छ । ०१५३२०३११, ०१५३२०४३३ नम्बर वा श्रम कल सेन्टरमा एनटीसी र ल्याण्डलाइन नम्बरबाट निःशुल्क ११४१ नम्बरमा फोन गरेर पनि थप जानकारी लिन सकिने बोर्डले जनाएको छ ।

अन्तिम अपडेट: पुस १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्