‘लघुवित्तले ग्राहककाे गाईवस्तु तान्ने, घरमा चुकुल लगाइदिने काम बन्द गर्नुपर्छ’

 फागुन ८, २०७९ सोमबार १७:४७:४३ | उज्यालो सहकर्मी
unn.prixa.net

काठमाण्डौ – नेपाल राष्ट्र बैंकले एउटै व्यक्तिले धेरै लघुवित्तबाट ऋण लिन नपाउने प्रावधान ल्याउने भएको छ । 

आज सोमवार आर्थिक पत्रकार समाज (सेजन) ले काठमाण्डौमा आयोजना गरेको सङ्कटमा लघुवित्त, कारण र समाधान विषयक अन्तरक्रिया कार्यक्रममा बौल्दै राष्ट्र बैंकका कार्यकारी निर्देशक रेवती नेपालले यस्तो बताउनुभएको हो । उहाँले लघुवित्तका ३३ लाख बढी ऋणी भएकाले प्रत्येकको फाइल हेर्न नसक्ने भन्दै संस्थाले हेर्नुपर्ने बताउनुभयो । धेरै लघुवित्तमा सदस्य भएर एउटै व्यक्तिले सबैबाट ऋण लिएर समस्यामा परेको पाइएको भन्दै अब निर्देशिकामार्फत कडाइ गर्ने तयारी भइरहेको उहाँको भनाइ छ । 

कार्यकारी निर्देशक नेपालले लघुवित्त संस्थालाई लाभांश वितरणमा कडाइ गरेमात्रै धेरै समस्या समाधान हुने उल्लेख गर्नुभयो । उहाँले वित्तीय साक्षरताको कमीले समेत ऋणीले लिएको ऋणको उपयोग हुन नसकेको बताउनुभयो । नेपालले लघुवित्त संस्थाका कर्मचारी बिहान १० बजेभन्दा अगाडि र बेलुका ११ बजेसम्म ग्राहकको घरमा गएर यातना दिने र गाईवस्तु तान्ने, घरमा चुकुल लगाइदिने काम तत्काल बन्द गर्न आग्रह गर्नुभयो । 

कार्यकारी निर्देशक नेपालले लघुवित्त खारेज नभएर देखिएका समस्या समाधान गरी परिमार्जन गर्दै लैजान आवश्यक रहेको बताउनुभयो । उहाँले पछिल्लो समय ५ देखि १० प्रतिशत लघुवित्त संस्थाहरूले खराब काम गरेको भन्दै करेक्शन गरिने बताउनुभयो । केही शेयरका खेलाडीहरू लघुवित्तमा प्रवेश गरेर लघुवित्तलाई बिगारेको उहाँको आरोप छ । 

उहाँले भन्नुभयो, ‘लघुवित्तमा ३३ लाख ऋणी रहेका छन् । उनीहरू प्रत्येकको फाइल हेर्न सक्दैन । त्यो लघुवित्तहरूले हेर्ने हो । राष्ट्र बैंकले एकै व्यक्ति तीन वटाभन्दा बढी संस्थामा संलग्न हुन नपाउने भनेर चाँडै निर्देशन जारी गर्ने प्रक्रियामा छ । लघुवित्त संस्थाहरूले बिहान १० बजेभन्दा अगाडि र बेलुका ११ बजेसम्म ग्राहकको घरमा गएर यातना दिने र गाईवस्तु तान्ने, घरमा चुकुल लगाइदिने काम गर्न हुँदैन । यस्ताे काम तत्काल अन्त्य गर्नुपर्छ । लघुवित्तहरूले धेरै राम्रो काम गरेका छन् तर एउटा नराम्रो काम हुँदा सबै काम ओझेलमा पर्छन् । सबै मिलेर समस्या समाधानको खोजी गर्नुपर्छ । लघुवित्तहरूले ३० वर्षसम्म गरेका योगदानलाई एउटा गल्तीमा बन्द गर्न सकिँदैन । लघुवित्तहरूका गल्ती, कमजोरीहरू सच्याउन आवश्यक छ । कुनै पनि लघुवित्तले १५ प्रतिशतभन्दा बढी ब्याज लिएको भए हामीलाई जानकारी दिनुस् ।’

त्यस्तै माइक्रोफाइनान्स एसाेसिएशन नेपालका अध्यक्ष जगत पोखरेलले धेरै माइक्रोफाइनान्स भएकाले समस्या आएको बताउनुभयो । उहाँले नेपाल राष्ट्र बैंकले दिएको निर्देशनभित्र लघुवित्तहरू बसेर काम गर्नुपर्ने र पालना नगरे कारबाही गर्नुपर्ने बताउनुभयो । लघुवित्तको समस्या समाधान गरेर जान तयार रहेको उहाँकाे भनाइ छ ।

अन्तिम अपडेट: मंसिर १४, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

2 Comments

  • उज्वल घिमिरे

    Feb. 21, 2023, 10:50 p.m.

    लघुवित्त धेरै राम्रो बैङ्किङ प्रणाली हो तर बिचलियाहरुले लघुवित्त लाई नराम्रो र दोषी देखाएर लघुवित्त लाई आरोप लगाएका छन् मलाई नि यो लघुवित्त मा काम गर्ने ठुलो इच्छा चाहना छ तर तर जनताको सेवा गर्ने नपाइने रैछ किनकि लघुवित्त जनताले बिगारेको होइन लघुवित्त सञ्चालन गर्ने टाउकेहरुको ठुलो हात छ 🙏🙏

  •  0 Reply

  • Pusp raj bhatt

    Feb. 21, 2023, 1:55 p.m.

    Ek dam ramro kura rsatra bank Le lyaudai chh. Member laai 3 micro finance Ma hoin 1 micro finance Ma matra member hun Paaune byabsta garnu parx. Micro finance Le 15 % bhanda badhi dividend din napaune byandtha gardai client protection & client walefare fund Ma invest garne system banaunu parx .

  •  0 Reply

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

खाँडाचक्र नगरपालिकाका निमित्त प्रमुख प्रशासकीय अधिकृत जिम्मेवारीबाट हटाइए

३

दुर्गा प्रसाईंलाई थुनामुक्त गर्न सर्वाेच्चद्वारा अस्वीकार

४

युद्धविराम सम्झौता लागू भएपछि दक्षिणी लेबनानका बासिन्दा घर फर्किन थाले

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई