लगातार चार खेल जितेको यू–१९ नेपाली टोली विश्वकप नजिक

फागुन १७, २०७९ बुधबार ६:४७:४० | उज्यालो सहकर्मी

काठमाण्डाै – लगातार चार खेल जितेको १९ वर्षमुनिको नेपाली क्रिकेट टोली विश्वकप नजिक पुगेको छ । आईसीसी विश्वकप एसिया क्षेत्र छनोटमा नेपालले अन्तिम खेल भोलि यूएईसँग खेल्नेछ ।

यो खेलमा यूएईलाई हराउन सके नेपाल ८ वर्षपछि विश्वकपमा पुग्नेछ । नेपालले हिजोको खेलमा मलेसियालाई १० विकेटले हराउँदै लगातार चौथो जित निकालेको हो । प्रतियोगितामा नेपालले मलेसियासहित सिंगापुर, कुवेत र हङकङलाई हरायो ।

त्यस्तै यूएई पनि हिजो कुवेतलाई ८ विकेटले हराउँदै चौथो जितका साथ शीर्षस्थानमा कायमै छ । समान ८ अंक भए पनि नेट रनरेटका कारण नेपाल दोस्रो स्थानमा छ । नेपाल र यूएईबीचको खेल भोलि यूएईको आजमानका रहेको इडेन गार्डेनमा हुनेछ । यो खेलको विजेता टोली प्रतियोगिताको च्याम्पियन बन्नेछ ।

प्रतियोगिताको च्याम्पियन टोलीले सन् २०२४ मा श्रीलंकामा हुने १९ वर्षमुनिको विश्वकप खेल्न पाउनेछ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्