वैदेशिक रोजगारी : ६ महिनामा ६१२ जना बाकसमा र ११४ जना अङ्गभङ्ग भएर स्वदेश फर्किए

चैत ९, २०७९ बिहीबार १३:३१:१३ | उज्यालो सहकर्मी

काठमाण्डौ – चालु आर्थिक वर्षको छ महिनामा वैदेशिक रोजगारीको क्रममा ६ सय १२ नेपालीको ज्यान गएको छ ।

वैदेशिक रोजगार बोर्डका अनुसार चालु आर्थिक वर्षको साउनदेखि पुस अन्तिमसम्ममा वैदेशिक रोजगारीको क्रममा ६ सय १२ जनाले ज्यान गुमाएका हुन् । यो वैदेशिक रोजगार बोर्डमा प्राप्त भएको तथ्याङ्क मात्रै हो ।

यो छ महिनामा सबैभन्दा धेरै साउदी अरेबियामा नेपालीहरूले ज्यान गुमाएका छन् । साउदीमा मात्रै ज्यान गुमाउनेको सङ्ख्या १८५ रहेको छ । साउदीपछि सबैभन्दा धेरै रोजगारीका लागि मलेसिया पुगेका नेपालीले ज्यान गुमाएका छन् ।

यो छ महिनाको अवधिमा मलेसियामा १२३ जना नेपालीको ज्यान गएको छ । मलेसियापछि कतारमा ११७ जनाले ज्यान गुमाएको बोर्डले जनाएको छ ।

यस्तै खाडीको अर्को देश यूएईमा यही अवधिमा १०४ जनाले ज्यान गुमाएका छन् भने कुवेतमा ३० जनाको, बहराइनमा १२ जनाको, जोर्डनमा २ जनाको टर्कीमा २ जनाको, सेसल्समा १ जनाएको, रोमानियामा ४ जनाको, दक्षिण कोरियामा ११ जनाको ज्यान गएको छ ।

११४ जना अङ्गभङ्ग भएर फर्किए

चालु आर्थिक वर्षको ६ महिनामा वैदेशिक रोजगारीका लागि गएका ११४ जना अङ्गभङ्ग भएर स्वदेश फर्किएका छन् । साउदी अरेबियाबाट मात्रै ३८ जना अङ्गभङ्ग भएर फर्किएका छन् भने यूएईबाट २४ जना, कतारबाट २२ जना, मलेसियाबाट १६ जना र कुवेतबाट ५ जना अङ्गभङ्ग भएर फर्किएका छन ।

यस्तै रोमानियाबाट २ जना, कोरियाबाट २ जना, पपुवान्युगिनी, माल्टा, जापान, इजरायल र क्रोएसियाबाट एक एक जना अङ्गभङ्ग भएर फर्किएका छन् ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्