डाक्टर गौरीशङ्कर लाल दास एक सय वर्षमा पनि उत्तिकै सक्रिय, आज जन्मशताब्दी मनाइँदै

असोज ९, २०८० मंगलबार ८:०:५१ | उज्यालो सहकर्मी

काठमाण्डाै - डाक्टर गौरीशङ्कर लाल दासले आज जन्मशताब्दी मनाउँदै हुनुहुन्छ । नेपालको चिकित्सा सेवा, मानवअधिकार, समाजसेवा, व्यवस्थापन र सुशासनको क्षेत्रमा उहाँको योगदान अतुलनीय छ ।

एक सय वर्षमा पनि उहाँ सक्रिय हुनुहुन्छ । अहिले पनि उहाँ विभिन्न सामाजिक कार्यक्रममा सहभागी हुने गर्नु भएको छ । उहाँ धेरै सरकारी तथा सहकारी संस्थामा आबद्ध हुनुहुन्छ ।

डाक्टर गौरीशङ्कर लालदासको जन्म सन् १९२४ सेप्टेम्बर २६ तारिखमा सिरहाको इनर्वामा भएको हो । भारतको सीमा नजिकै भएकाले उहाँले भारतमा पढ्नु भयो । १९५१ मा एमबीबीएस सकेपछि उहाँले बेलायत गएर क्षयरोग र ट्रपिकल मेडिसिनमा डिप्लोमा गर्नुभयो ।

वि.सं.२००९ मा नेपाल आएर उहाँले वीर अस्पतालमा काम थाल्नुभयो । २०५७ सालदेखि उहाँ २०६२ सालसम्म राष्ट्रिय मानव अधिकार आयोगको सदस्य भएर डाक्टर गौरीशङ्कर दासले काम गर्नुभयो । उहाँले गरिब तथा विपन्न नागरिकलाई नि:शुल्क उपचार गर्दिनुहुन्थ्यो ।

डाक्टर दासलाई आज नागरिकस्तरबाट अभिनन्दन गरिँदैछ । यसअघि गएको भदौमा उहाँलाई नागरिकस्तरबाट दिव्य शताब्दी पुरुष उपाधिबाट सम्मान गरिएको थियो । काठमाडौको चाबहिल बस्ने डाक्टर गौरीशङ्कर लाल दास समाजसेवी तथा प्रशासनिक क्षेत्रमा लामो समयसम्म क्रियाशील हुनुहुन्छ ।

अनौपचारिक क्षेत्र सेवा केन्द्र (इन्सेक) ले डाक्टर दासको शताब्दी जन्मोत्सवका अवसरमा वर्षभरि नै विभिन्न कार्यक्रम गर्ने जनाइसकेको छ । उहाँ त्रिशक्तिपट, गोरखा दक्षिणबाहु, प्रशिद्ध प्रबल गोरखा दक्षिणबाहुलगायत सम्मानबाट सम्मानित हुनुभएको छ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्