पाँच हजार सात सय ६३ मेगावाट क्षमताका २० जलविद्युत् आयोजनाकाे अध्ययन चल्दै

माघ २१, २०८० आइतबार १२:२:२७ | उज्यालो सहकर्मी

काठमाण्डौ – सरकारले पाँच हजार सात सय ६३ मेगावाट क्षमताका २० वटा जलविद्युत् आयोजनाको अध्ययन अगाडि बढाएको छ । ऊर्जा जलस्रोत तथा सिँचाइ मन्त्रालय मातहतको विद्युत् विकास विभागले एक सय मेगावाट क्षमताका आठ वटा र एक सय मेगावाटभन्दा कम क्षमताका १२ आयोजनाको अध्ययन अघि बढाएको हो ।

विभागले एक हजार सात सय २० मेगावाट क्षमताको खिम्ती ठोसे शिवालय जलविद्युत् आयोजनाको अध्ययन गरिरहेको छ । यो आयोजना रामेछाप र दोलखा भएर बहने खिम्ती नदीमा निर्माण हुनेछ । पर्वत र बाग्लुङको सिमाना भएर बहने कालीगण्डकी नदीमा निर्माण हुने आठ सय ४४ मेगावाट क्षमताको कालीगण्डकी बहुउद्देश्यीय आयोजनाको पनि अध्ययन भैरहेको छ ।

विभागका अनुसार नौ सय १६ मेगावाट क्षमताको हुम्ला कर्णाली क्यास्केड, सात सय मेगावाट क्षमताको कालीगण्डकी दोस्रो, पाँच सय १२ मेगावाट क्षमताको बुरबाङ्ग लगायतका जलविद्युत् आयोजनाको अध्ययन अन्तिम चरणमा पुगेको छ । विभागले २३ जलविद्युत् आयोजनाको भने सम्भाव्यता तथा वातावरणीय अध्ययन सम्पन्न गरिसकेको छ ।

आउँदो १२ वर्षमा २८ हजार पाँच सय मेगावाट क्षमता बराबर विद्युत् उत्पादन गर्ने लक्ष्य अनुसार काम भइरहेको विद्युत् विकास विभागले जनाएको छ । अहिले निर्माणमा रहेका, निर्माणमा जाने तयारीमा रहेका धेरैजसो आयोजना नदी प्रवाही प्रकृतिका छन् । हिउँदमा विद्युत् अभाव हुने समस्या बढेपछि सरकारले पछिल्लो समयमा अर्धजलाशय र जलाशय प्रकृतिका आयोजनालाई प्राथमिकतामा राखेको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पाँच हजार सात सय ६३ मेगावाट क्षमताका २० जलविद्युत् आयोजनाकाे अध्ययन चल्दै

साङ्केतिक तस्बिर

तपाईको प्रतिक्रिया