लिग–२ को पहिलो शृङ्खलामा नेपालको खराब प्रदर्शन, ४ मध्ये ३ खेलमा पराजित

फागुन १३, २०८० आइतबार १८:३:४७ | उज्यालो सहकर्मी

काठमाण्डौ – आईसीसी विश्वकप क्रिकेट लिग–२ को घरेलु मैदानमा भएको पहिलो शृङ्खलामा नेपालले खराब प्रदर्शन गरेको छ ।

शृङ्खलाको अन्तिम खेलमा आज नेपाल नेदरल्यान्डसँग ८ विकेटले पराजित भयो । नेपालले दिएको १ सय ७३ रनको लक्ष्य नेदरल्यान्ड्सले मात्र २ विकेट गुमाएर ७३ बलअघि नै भेटायो । नेदरल्यान्ड्सका विक्रमजित सिंहले ५८, साइब्रान्ड एङ्गलब्रेच्टले ४६ रन बनाए । विक्रमजित र साइब्रान्डले तेस्रो विकेटका लागि अविजित १ सय २ रनको साझेदारी गरे ।

नेपालका ललित राजवंशी र दीपेन्द्रसिंह ऐरीले समान १ विकेट लिए । यसअघि कीर्तिपुरको त्रिवि क्रिकेट मैदानमा टस हारेर ब्याटिङ गरेको नेपाल ३ बल बाँकी छँदा १ सय ७२ रन बनाएर आउट भयो । नेपालका कुशल भुर्तेलले ६६ रन बनाए । नेदरल्यान्ड्सका भिभान किङ्मा र आर्यन दत्तले समान ३ विकेट लिए ।

यो हारसँगै नेपालले लिग–२ को पहिलो शृङ्खलामा ४ खेलमा २ अङ्क जोडेको छ । नेपालले ३ खेल हार्दा एउटा मात्रै जित्यो । शृङ्खलाको पहिलो खेलमा नेपाल नामिबियासँग ४ विकेटले पराजित भएको थियो । दोस्रो खेलमा भने नेपालले नेदरल्यान्ड्सलाई ९ विकेटले हरायो । यस्तै तेस्रो खेलमा नेपाल नामिबियासँग २ विकेटले पराजित भयो ।

नामिबिया ४ खेलमा ६ अङ्क जोड्दै शीर्ष स्थानमा रहेर लिग–२ को पहिलो शृङ्खला सकेको छ । नेदरल्यान्ड्स ४ खेलमा ४ अङ्कसहित दोस्रो स्थानमा छ । लिग–२ को अर्काे शृङ्खला आउँदो बुधवारदेखि यूएईको दुबईमा शुरु हुँदैछ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

लिग–२ को पहिलो शृङ्खलामा नेपालको खराब प्रदर्शन, ४ मध्ये ३ खेलमा पराजित

फाइल तस्बिर

तपाईको प्रतिक्रिया