बाग्लुङमा हचुवाका भरमा खनिएका ग्रामीण सडकका कारण विनाश बढ्दै

फागुन १३, २०८० आइतबार १८:१०:४२ | रासस

बाग्लुङ – बाग्लुङमा हचुवाका भरमा खनिएका ग्रामीण सडकका कारण प्राकृतिक विनाश बढ्न थालेको छ । पछिल्लो समय भइरहेका धेरैजसो दुर्घटना, बाढी, पहिरो तथा भूक्षयको मुख्य कारण जथाभाबी खनेका सडक बनेका छन् ।

भुजीखोलामा गएको बाढी होस् या कुशीसेरामा गएको पहिरो होस् यी सबैको कारण ग्रामीण सडक रहेको पाइएको छ । भू तथा जलाधार कार्यालय पर्वतले दिएको तथ्याङ्कमा बाग्लुङमा तीन वर्ष यतामात्रै एक दर्जनभन्दा धेरै बाढी पहिराेको प्रमुख कारण हचुवाको भरमा खनिएका सडक भएको उल्लेख छ । विकासका गतिविधिमध्ये झन्डै तीन दशकदेखि ग्रामीण सडक खन्ने अभियान शुरु भएकाेमा अहिले घरघरमा सडक पुर्‍याउने होडका कारण भूक्षयले क्षति भइरहेको पाइएको हो ।

भू तथा जलाधार व्यवस्थापन कार्यालय पर्वतका वरिष्ठ जलाधार व्यवस्थापन अधिकृत दिवाकर पौडेलले नागरिकको सहजता र समृद्धिका लागि खनिएका सडकले नै जनजीवन बरबाद पारिरहेको र सडकले तत्कालै मात्र नभएर दीर्घकालीनरूपमा असर पुर्‍याएको बताउनुभयो । उहाँले अब सडक खन्न बन्द गर्नुपर्ने अवस्था आएको आफूहरूको निष्कर्ष रहेको बताउनुभयो ।

सडकले बाढी पहिरो मात्रै निम्त्याएको छैन वन–जङ्गल, रुखबिरुवाको पनि विनाश भएको छ । बाढी पहिरोले खेतीयोग्य जमिन बगर, उर्बराविहीन र क्षतिग्रस्त बनेका कारण उत्पादनमा समय ह्रास भएको स्थानीयवासी किसान तुल्सीराम आचार्यले बताउनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाग्लुङमा हचुवाका भरमा खनिएका ग्रामीण सडकका कारण विनाश बढ्दै

फाइल फाेटाे

तपाईको प्रतिक्रिया