जापानले चन्द्रमामा पठाएको ल्यान्डर झन्डै २ हप्तापछि पुनः जाग्यो

फागुन १५, २०८० मंगलबार १८:३१:१५ | एजेन्सी

जापानले चन्द्रमामा अवतरण गराएको अन्तरिक्ष यानको ल्यान्डर चन्द्रमाको रात सकिएपछि पुनः जागेको छ ।

ऊर्जा प्रणालीमा समस्या आएकोले रात परेपछि काम नगर्ने सम्भावना रहेकोमा रात सकिएपछि पुनः सक्रिय भएको जापानी अन्तरिक्ष निकाय (जाक्सा) लाई उद्धृत गर्दै बीबीसीले जनाएको छ । चन्द्रमामा रात सकिएपछि ल्यान्डरलाई पृथ्वीबाट निर्देशन दिइएको र त्यसले पठाएको प्रतिक्रिया पनि प्राप्त भएको जाक्साले जनाएको छ ।

चन्द्रमामा हुने एक रातको अवधि पृथ्वीमा दुई हप्ताजतिकाे हुन्छ । रात पर्दा चन्द्रमामा निस्पट्ट अन्धकार र निकै चिसो हुने हुन्छ । यसअघि भारतले चन्द्रमामा अवतरण गराएको ल्यान्डरले रात परेपछि काम गर्न छाडेको थियो । जापानी अन्तरिक्ष निकाय (जाक्सा) ले ल्यान्डरलाई चन्द्ररात्रिमा हुने कठोर अवस्था खप्ने गरी नबनाएको भए पनि पुनः काम गर्नु खुशीको कुरा भएको बताएको छ ।

बेलायतमा रहेको ओपन युनिभर्सटीका सिमिअन बार्बरले पनि चिसो चन्द्ररात्रिपछि ल्यान्डर पुनः सक्रिय भएको खबर अत्यन्तै महत्त्वपूर्ण रहेको बताउनुभएको बीबीसीले जनाएको छ । उहाँका अनुसार चन्द्रमामा दीर्घकालीन रोबटिक वा मानवसहितको अभियान चलाउने हो भने चन्द्रमाको रातमा जोगिनु ठूलो प्राविधिक चुनौती पार गर्नु रहेको उहाँको भनाइ छ ।

बार्बरका अनुसार जापानी ल्यान्डर अवतरण गरेको ठाउँमा दिउँसोतिर तापक्रम एक सय डिग्री सेल्सिअस पुग्छ । तर राति झरेर माइनस एक सय ३० डिग्री हुन्छ । यसअघि सौर्य प्यानल सूर्यको विपरीत दिशामा फर्किएकोले निकै छोटो सयम काम गरेको ल्यान्डरले अब आफ्नो उद्देश्यअनुरूप काम पूरा गर्ने विश्वास रहेको जाक्साले जनाएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जापानले चन्द्रमामा पठाएको ल्यान्डर झन्डै २ हप्तापछि पुनः जाग्यो

तस्बिर : एजेन्सी

तपाईको प्रतिक्रिया