न्यायिक सिकाइ अवलोकन भ्रमणका लागि सिदिङ्वा गाउँपालिकाका अधिकारी काठमाण्डौमा

फागुन ३०, २०८० बुधबार १६:४:१६ | उज्यालो सहकर्मी

काठमाण्डौ — काठमाण्डौ महानगरपालिकाकी उपमेयर सुनिता डङ्गोलले स्थानीय विवाद निरूपणका लागि न्यायिक समितिसँगै मेलमिलापकर्ताको संयुक्त प्रयास हुनुपर्ने बताउनुभएको छ ।

महानगरपालिकाले न्यायिक निरूपणका लागि अवलम्बन गरेको अभ्यास र सिकाइ बुझ्न ताप्लेजुङको सिदिङ्वा गाउँपालिकाबाट आएका न्यायिक समिति सदस्य र मेलमिलापकर्ताको टोलीसँग आफ्ना अभ्यासका बारेमा जानकारी गराउँदै उपमेयर डङ्गोलले यस्तो बताउनुभएको हो ।

उहाँले ठाउँ, भूगोल, सामाजिक तथा सांस्कृतिक अवस्थाअनुसार विवादका प्रकृति फरक हुन सक्ने भए पनि मेलमिलाप गराउने पद्धति साझा हुन सक्ने बताउनुभयो । उपमेयर डङ्गोलले वडामा विवाद दर्ता गर्ने प्रणाली, महिला सञ्जालमा मेलमिलापकर्ताबाट मेलमिलाप गराउने प्रणाली, निःशुल्क कानुनी सेवाको अभ्यास गरेको बताउनुभयो ।

भेटमा सिदिङ्वा गाउँपालिकाकी उपाध्यक्ष कृष्णकुमारी कँडरियाले आफूहरूले पनि वडामै विवाद दर्ता गराउन चाहेको र यो सोचलाई महानगरको अभ्यासले सहयोग गरेको बताउनुभयो ।

महानगरको न्यायिक समिति सदस्य एवम् वडा नम्बर २९ का अध्यक्ष कुश ढकालले वडामै विवाद समाधान हुने गरेका कारण केन्द्र र जिल्ला अदालतमा कम मुद्दा पुग्ने गरेको बताउनुभयो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्