बलात्कृत युवतीको अण्डरवेयर अदालतमा देखाएपछि हंगामा

कात्तिक २९, २०७५ बिहीबार १३:२४:५७ | एजेन्सी

१७ वर्षीया किशोरीलाई बलात्कार गरेको आरोपमा पक्राउ भएका एक व्यक्ति रिहा भएपछि आयरल्याण्डका विभिन्न ठाउँमा प्रदर्शन भैरहेको छ ।

मुद्दाको सुनुवाइको क्रममा अभियुक्तका वकीलले अदालतमा भनेका थिए, ‘तपाईँहरुले उनको पोशाक पनि हेर्नुपर्छ । उनले फितावाला अण्डरवेयर लगाएकी थिइन् ।’ न्यायाधीशहरुले २८ वर्षीय अभियुक्तलाई निर्दोष ठहर गरेका थिए ।

अदालतको फैसलामाथि विवाद उत्पन्न भएसँगै पीडित युवतीमाथि नै आरोप लाग्न थालेपछि एक महिला सांसदेले संसदमै अण्डरवेयर लिएकर आएकी थिइन् ।

सांसद रुथ कोपिंगरले संसदमा नीलो रंगको अण्डरवेयर देखाउँदै भनिन्, ‘यहाँ अण्डरवेयर देखाउनु लाजमर्दो कुरा हुन सक्ला । तर तपाईँले यो सोच्नु पर्छ कि अदालतमा एक महिलाको अण्डरवेर देखाउँदा उसलाई कस्तो भयो होला ।’

यो घटनाका बारेमा सबैभन्दा पहिला नोभेम्बर ६ मा आइरिस एक्जामिनरले रिपोर्ट प्रकाशित गरेको थियो । अभियुक्तले ती युवतीसँग सहमतिमा नै शारीरिक सम्पर्क राखेको बताएका थिए ।

वकीलको तर्कपछि विवाद

अभियुक्तका वकील एलिजाबेथ ओ कोनेलले दिएको तर्कपछि सामाजिक सञ्जालमा निकै विवाद उत्पन्न भएको छ ।

आइरिस एक्जामिनरका अनुसार वकील एलिजाबेथले सोधेकी थिइन्, ‘के यी प्रमाणले उनले अभियुक्तलाई आकर्षित गरेकी थिइनन् ? के उनी कसैसँग भेट्न सहमत थिइनन् ?’

— Ruth Coppinger TD (@RuthCoppingerTD) November 13, 2018

वकीले न्यायाधीशसामू भनिन्, ‘तपाईँहरुले उसको कपडा पनि हेर्नुपर्छ । उनले लेसवाला अण्डरवेयर लगाएकी थिइन् ।’

समाचारपत्रमा यो खबर सार्वजनिक भएसँगै डबलिन रेप क्राइसिस सेन्टरकी प्रमुखले वकीलको तर्कको आलोचना गरेकी थिइन् । उनले अदालतको फैसलाको आलोचना भने गरिनन् । उनले कानुनी प्रक्रियामा सुधार गर्नुपर्ने बताइन् ।

अहिले आयरल्याण्डमा सामाजिक सञ्जालमा वकीलको तर्कको निकै आलोचना गरिएको छ ।

#ThisIsNotConsent धेरैले ट्वीट गरेका छन् । धेरै महिलाले आफ्नो अण्डरवेयरको तस्बिर पनि सामाजिक सञ्जालमा राखेका छन् ।

— I Believe Her - Ireland (@ibelieveher_ire) November 10, 2018

अदालतका कपडाकै रंग र आकारले महिलाको बलात्कार हुन्छ भन्ने तर्क दिएका कारण धेरै महिलाले आफ्नो अण्डरवेयरको रंग र आकार देखाइरहेका छन् ।

धेरै महिलाहरुले बलात्कारको मुद्दाको सुनुवाइ हुँदा कैयौँ देशका अदालतमा के भन्न हुन्छ र के भन्न् हुँदैन भन्ने जानकारीसहित सामाजिक सञ्जालमा वकील एलिजाबेथको आलोचना गरेका छन् ।

यही वर्ष उत्तरी आयरल्याण्डमा बलात्कारको एउटा मुद्धामा रग्बीका दुई चर्चित खेलाडीलाई रिहा गरिएको थियो । अदालतले गरेको सुनुवाइ प्रक्रिया सार्वजनिक भएसँगै आयरल्याण्ड र उत्तरी आयरल्याण्डमा व्यापक प्रदर्शन भएको थियो ।

आज पनि घटनाको विरोधमा राजधानी डबलिनसहित थुप्रै सहरमा विभिन्न समूहले प्रदर्शन गरेका छन् । समाजवादी महिलावादी समूह रोजाले सामाजिक सञ्जालमा अभियान चलाएको छ ।

–बीबीसीबाट

अन्तिम अपडेट: फागुन ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्