दुई महिनामा दाङमा पाँचसय टन मह उत्पादन

मंसिर २, २०७५ आइतबार १५:२५:५ | हेमराज शर्मा

दाङ – बाहिरबाट चराउन ल्याएका मौरीबाट दाङमा दुई महिनाको अवधिमा झण्डै ५ सय मेट्रिक टन मह उत्पादन भएको छ ।

दाङका ६ सय ५० भन्दा बढी व्यवसायिक मौरी पालक किसानका माहुरी र बाहिरी जिल्लाबाट चराउन दाङ ल्याइएका मौरीबाट कात्तिक र मंसिर दुई महिनामा ५ सय टनभन्दा बढी मह उत्पादन भएको मौरी पालक महासंघले जनाएको छ ।

दाङमा अहिले १५ हजार गोला मौरीका घार रहेका छन् भने झण्डै ५ हजार घार मौरी बाहिरका जिल्लाबाट चराउन ल्याउने गरिएको महासंघका बरिष्ठ उपाध्यक्ष दीपक श्रेष्ठले बताउनुभयो ।

दाङ जिल्लामा कात्तिक र मंसिर महिनामा तोरी फुल्ने र तोरीको रसको मह औषधिको रुपमा प्रयोग हुने भएका कारण माग पनि बढी हुने मौरी पालक किसानहरु बताउँछन् । अहिले दाङका अधिकांश तोरीबारीमा सेता डब्बाहरु लाइन मिलाएर राखिएका छन् ।

ती सबै चराउनका लागि राखिएका मौरीका घार हुन् । दाङमा एकजना किसानले तीन सय घारसम्म मौरी पालेका छन् । पाल्न धेरै झण्झटिलो नहुने र राम्रै व्यापार हुने भएपछि व्यवसायीक किसानहरु मौरी पालनतर्फ आकर्षित भएको माहुरी पालक महासंघको भनाई छ ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्