जुम्लाको तीला नदीमाथि मोटरेबल पुल निर्माण

कात्तिक १०, २०८१ शनिबार १२:४:५९ | रासस

जुम्ला – जुम्लाको तीला गाउँपालिका–१ रारामा तीला नदीमाथि मोटरेबल पुल निर्माण भएको छ । ‘स्टिल ट्रस’ पुल निर्माण भएपछि तीला ६, ७, ८ र ९ वडा सडक सञ्जालमा जोडिएका छन् । स्थानीयबासिन्दा, विद्यार्थी, बिरामीलगायतलाई ओहोरदोहोरमा सहज भएको तीला गाउँपालिकाले जनाएको छ ।

तीला–६ का वडाध्यक्ष जङ्गबहादुर रोकायाले पुल निर्माणपछि वडामा गाडीको पहुँच पुगेको बताउनुभयो । पुल सञ्चालनमा आएपछि तीला गाउँपालिकाका १३ वटा गाउँबस्ती एकसाथ राष्ट्रिय सडक सञ्जालसँग जोडिएको वडाध्यक्ष रोकायाले बताउनुभयो । अब दैनिक उपभोग्य वस्तु ओसारपसार गर्न पनि सहज पुग्ने तीला–९ का स्थानीयबासिन्दा खड्का रावतले बताउनुभयो ।

२०७८ सालमा सडक डिभिजन कार्यालय जुम्लासँग ठेक्का सम्झौता भएको पुल निर्माण अवधि तीन वर्षको रहेको थियो । तोकिएको समयमा पुल निर्माण भएको ठेक्का लिएको निर्माण कम्पनीका प्रबन्धक सुनम खड्काले बताउनुभएको छ ।

सङ्घीय सरकारअन्तर्गतको सडक विभागको १४ करोड रुपैयाँ बजेटको लागतमा पुल निर्माण भएको सडक डिभिजन कार्यालयले जनाएको छ । पुल आठ मिटर चौडाइ र ५५ मिटर लम्बाइ रहेकोे छ ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्