ट्र्याक खोलिएको झण्डै २० वर्षपछि नुवाकोटको विदुर हुँदै खनियाबास पुग्ने सडकमा कालोपत्र शुरू

कात्तिक १३, २०८१ मंगलबार १२:४०:१० | रासस

नुवाकोट – नुवाकोटको विदुर नगरपालिका–८ राइसिंबाट म्यागङ गाउँपालिका–३ गोगने हुँदै धादिङको खनियाबास पुग्ने सडक कालोपत्र गर्न थालिएको छ ।

बाग्मती प्रदेशका मुख्यमन्त्री बहादुरसिंह लामा (तामाङ) ले राईसिंमा कालोपत्रको शुभारम्भ गर्नुभयो । ट्र्याक खोलिएको झण्डै २० वर्षपछि शुरू भएको कालोपत्रले दुई जिल्लाको ग्रामीण क्षेत्रलाई बजारीकरणसँग जोड्नेछ । मुख्यगरी कृषि उब्जनीको बजारीकरणमार्फत अर्थतन्त्र बलियो बनाउन योगदान पुग्ने मुख्यमन्त्री तामाङले विश्वास व्यक्त गर्नुभएको छ ।

विदुर–८ राईसिंबाट विदुर–१३ हर्कपुर हुँदै गोगनेसम्म १० किलोमिटर सडकमध्ये चालु आर्थिक वर्षमा चार किलोमिटर कालोपत्र गर्ने लक्ष्य छ । बाँकी ६ किलोमिटरसहित गोगने हुँदै धादिङको खनियाबास गाउँपालिकासम्म आउँदो आर्थिक वर्षमा बजेट सुनिश्चित गर्ने मुख्यमन्त्री तामाङले बताउनुभएको छ ।

सम्झौताअनुसार चार किलोमिटर सडक विस्तारका लागि १४ करोड ६१ लाख रुपैयाँमा निर्माण कम्पनीले जिम्मेवारी पाएको छ । कम्पनीले १८ महिनाभित्रमा सम्पन्न गर्नुपर्ने उल्लेख छ ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्