बुवाआमाले भनेको बेला विदेश नगई पढेको भए हुने रहेछ

मंसिर २०, २०७५ बिहीबार १६:२६:६ | मेरो कथा मेरो भोगाई

सरोज थापा/हिलेपानी, रामेछाप ।

म तीन वर्ष विदेश बसेर अहिले घरतिरै छु । केही समय वैदेशिक रोजगारले जागिरे जस्तो भइयो । तर अहिले चाहिँ बेरोजगार भएर बसिरहेको छु । झण्डै ९ वर्षअघि हो म युएई गएको ।

त्यतिबेला स्नातक तह दोस्रो वर्षमा पढ्दै थिएँ । विदेश गएका साथीहरुले कमाई राम्रै छ भनेपछि पढाई छोडेर जान तयार भएँ । त्यतिबेला मलाई मेरो पढाइका लागि घरमा किन खर्च थप्ने भन्ने लाग्यो । बुवाआमाले त पढुनञ्जेल पढ । पढाइका लागि खर्च हामी नै गरिहाल्छौं नि भन्नुभएको थियो । तर मैले मानिनँ ।

म २०६६ सालमा सेक्युरिटी गार्डको काममा युएई गएँ । ९२ हजार रुपैयाँ लिएको म्यानपावरले १२ सय दिर्हाम कमाइ हुन्छ भनेको थियो । तलब म्यानपावरले भनेको जति नै पाएँ ।

दुई वर्षपछि मलाई पत्थरी भयो । बिदा लिएर घर फर्किएँ । चार महिनापछि उपचार गरेर फेरि फर्किएँ । थप एक वर्ष बसेर सम्झौता अवधि सकिएपछि घर फर्किएँ ।

तीन वर्ष बस्दा मैले कमाएको घर व्यवहार चलाउनमै खर्च भयो । बहिनीको बिहे गर्दाको खर्च बाहेक अरु कुनै महत्वपूर्ण काम देखिँदैन । तर पैसा तिनै काममा खर्च भयो । उहाँले कमाएको केही पैसा पत्थरीको उपचारमा पनि खर्च भयो ।

विदेशबाट यही कमाएर फर्किए जस्तै भयो । अब त उमेर पनि ३० नाघ्यो । त्यसैले फेरि पढौं भन्दा पनि सोचे जस्तो गरी पढ्न नसकिने रहेछ । त्यसैले अहिले आएर त्यतिबेला बुवाआमाले पढ भनेको कुरा सम्झिरहेको छु ।

पढेको भए विदेश जाँदा पनि नपढ्ने मान्छेको भन्दा राम्रो हुने रहेछ । अहिले आएर चाहिँ मलाई त्यतिबेला बुवाआमाले भनेको बेला पढ्नु पर्ने रहेछ भन्ने लागिरहन्छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्