तीनकुने घटना : थप सात जना पक्राउ, यसअघि पक्राउ परेका ४१ जनाविरुद्ध ६ दिन म्याद थप

चैत २१, २०८१ बिहीबार ५:५८:३१ | उज्यालो सहकर्मी

काठमाण्डौ – काठमाण्डौको तीनकुने घटनामा संलग्न रहेको अभियोगमा प्रहरीले थप सात जनालाई पक्राउ गरेको छ ।

गएको शुक्रवार राजावादी समूहको तीनकुनेमा आयोजित कार्यक्रममा हिंसात्मक प्रदर्शन, अराजक गतिविधि र तोडफोडको घटनामा संलग्न भएको आरोपमा थप सात जनालाई पक्राउ गरिएको जिल्ला प्रहरी परिसर काठमाण्डौले जनाएको छ ।

उनीहरूलाई आगजनी, तोडफोड गरी राज्य विरूद्धको कसूर र आपराधिक उपद्रव लगायतका अपराधमा संलग्न अभियोगमा पक्राउ गरिएको प्रहरीले जनाएको छ ।

यसैबीच यसअघि पक्राउ परेका राप्रपाका वरिष्ठ उपाध्यक्ष रवीन्द्र मिश्र र महामन्त्री धवलशमशेर राणासहित ४१ जनाविरुद्ध जिल्ला अदालत काठमाण्डौले ६ दिनको म्याद थप गरेको छ । उनीहरुमाथि अनुसन्धानका लागि अदालतबाट थप ६ दिन थुनामा राख्न जिल्ला न्यायाधीश ढाकाराम पौडेलको इजलासले हिजो आदेश दिएको हो ।

तीनकुनेबाट पक्राउ परेका उनीहरूविरुद्ध पहिलो पटक ५ दिन हिरासतमा राख्न अदालतले अनुमति दिएको थियो । प्रहरीका अनुसार राणा र मिश्रसहित ११ जनालाई राज्यविरुद्धको कसूरसहित आपराधिक उपद्रव र सङ्गठित अपराधसम्बन्धी कसूरअन्तर्गत अनुसन्धान भइरहेको छ ।

हिंसात्मक प्रदर्शनमा संलग्नमध्ये १ सय १२ जनालाई प्रहरीले पक्राउ गरे पनि स्वागत नेपाललगायत ८१ जनालाई सामान्य सोधपुछपछि प्रहरीले हाजिरी जमानीमा छोडेको छ ।

तीनकुनेमा राजावादीले गरेको प्रदर्शनले हिंसात्मक रूप लिँदा दुई जनाको ज्यान गएको थियो भने प्रहरी र प्रदर्शनकारीसहित बाटो हिँड्नेसमेत गरी १ सय २९ जना घाइते भएका थिए । २४ जना घाइतेको अहिले पनि उपचार भइरहेको छ ।

अन्तिम अपडेट: चैत २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तीनकुने घटना : थप सात जना पक्राउ, यसअघि पक्राउ परेका ४१ जनाविरुद्ध ६ दिन म्याद थप

फाइल तस्बिर

तपाईको प्रतिक्रिया