२७ औं त्रिवेणी कप आयोजकको पोल्टामा, सुन्दरबजारले उपविजेतामा चित्त बुझायो

पुष २०, २०७५ शुक्रबार २०:२४:२६ | श्यामशितल परियार

लमजुङ – लमजुङको बेसीशहरमा रहेकाे सहजी खेलमैदानमा सञ्चालित २७ औं त्रिवेणी कपको प्रथम उपाधि आयोजक त्रिवेणी युवा क्लबले हात पारेको छ ।

शुक्रबार सुन्दरबजार युवा क्लब, सुन्दरबजार र आयोजक त्रिवेणी युवा क्लब बेसीशहरबीच भएको फाइनल खेलमा ० का विरुद्ध १ गोल गर्दै आयोजक त्रिवेणी युवा क्लब, बेसीशहरले त्रिवेणी कपको प्रथम उपाधि हात पार्न सफल भएको हो ।

त्रिवेणी युवा क्लबबाट खेलेका विदेशी खेलाडी मेन्साले फाइनल खेलको २५ औँ मिनेटमा गोल गरेका थिए । उनको गोल नै निर्णायक गोल बन्न पुग्यो । यससँगै आयोजक त्रिवेणी युवा क्लबले प्रतियोगिताको प्रथम उपाधि हात पार्न सफल भयो ।

विपक्षी टिम सुन्दरबजार युवा क्लबले खेल अवधिभर गोल फर्काउन सकेन । उसले प्रतियोगिताको उपविजेतामै चित्त बुझायो ।

प्रतियोगिताको प्रथम उपाधि हात पारेसँगै त्रिवेणी युवा क्लबले नगद ३ लाख, त्रिवेणी कप, मेडल र प्रमाणपत्र हात पारेको छ । उपविजेता बनेको सुन्दरबजार युवा क्लबले नगद १ लाख ५० हजार, मेडल र प्रमाणपत्र हात पारेको छ ।

यस्तै सेमिफाइनल खेलका दुई उपविजेता फुटबल समूह बुद्ध युथ क्लब, भोटेओडार र आर.एस. एन्फा कास्कीलाई पनि नगद ५०-५० हजार रुपैयाँ र प्रमाणपत्र पुरस्कार स्वरुप प्रदान गरिएको छ ।

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्