विदेशमा पनि नराम्रो थिएन तर त्योभन्दा राम्रो अहिले गाउँमै छ

माघ २१, २०७५ सोमबार १३:०:८ | मेरो कथा मेरो भोगाई

टोलबहादुर तामाङ/ रामपुर, रामेछाप ।

हाम्रो गाउँबाट विदेश जाने म नै पहिलो व्यक्ति हुँ जस्तो लाग्छ । त्यतिबेला गाउँबाट काेही पनि विदेश गएका थिएनन् । मेरा आफन्त काठमाण्डौमा भएकाले म काठमाण्डौमा आएका बेला उनीहरुले नै मलाई विदेश जाने हाे भए म्यानपावरको मान्छे चिनेको बताए ।

उनीहरुले नै मलाई म्यानपावरसम्म पुर्‍याइदिए । म त्यही म्यानपावरबाट २०५९ सालमा कतार गएँ । लेबरको काम थियो । म्यानपावरले मसँग ७२ हजार रुपैयाँ लियो । मेरो तलब साढे पाँच सय रियाल हुन्थ्यो ।

त्यतिबेला एक रियालको २१ रुपैयाँ हुन्थ्यो । यही तलबमा मैले ३५ महिना काम गरें । काम ठिकै थियो अनि मलाई मेरो कामका लागि दिएको तलब ठिकै हो जस्तो लाग्छ । त्यही भएर नै सम्झौताको समय सकेर नै फर्किएँ । तर त्यसपछि चाहिँ मलाई जान मन लागेन । कतारबाट फर्किएर गाउँमै काम गरें । डकर्मी र सिकर्मीको काम आउँथ्यो । त्यही काम सुरु गरें ।

त्यतिबेला त ठिकै कमाइहुन्थ्यो । तर २०७२ सालमा भूकम्प गएपछि चाहिँ काम र कमाई दुवैको अवसर बढ्यो मेरा लागि । भूकम्पपछि अहिले गाउँमै धेरै घर नयाँ बनिरहेका छन् । त्यही काम गरिरहेको छु । घरमै बसेर गर्न सकिने काममा कमाई पनि राम्रै छ ।

अहिले म महिनामा ३० देखि ३५ हजार रुपैयाँ यही कामबाट कमाइरहेको छु । वैदेशिक रोजगारीमा गएकाहरुले आफूले केही न केही दुःख पाएरै फर्किएको सुनाउँछन् । तर मैले कतारमा बसुञ्जेल त्यस्तो केही समस्या भोग्नु परेन ।

अहिले गाउँमा पनि मेरा लागि राम्रै भइरहेको छ । त्यसैले मेरा लागि विदेश पनि नराम्रो भएन । तर परिवारसँगै बसेर गाउँमै काम गर्न पाउँदा त्योभन्दा पनि राम्रो भएको छ मेरा लागि ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्