नगरकोटमा हिमपात, आन्तरिक तथा बाह्य पर्यटकहरुकाे ओइराे

माघ २६, २०७५ शनिबार १७:४२:४७ | उज्यालो सहकर्मी

माघ – लगातार परेको झरीका कारण शुक्रबार नगरकोटमा हिमपात भएको छ ।

तीन दिनदेखि परेको वर्षापछि आजको पानीसँगै हिउँ परेपछि नगरकोटका बासिन्दामा खुशियाली छाएको छ । भक्तपुरको पर्यटकीय क्षेत्र नगरकोटमा बिहानै बाक्लो हिमपात भएपछि आन्तरिक तथा बाह्य पर्यटकको ओइरो लागेको छ ।

नगरकोटमा हिमपात भएपछि नगरकोट पुगेका पर्यटक र स्थानीय बासिन्दाहरु बिहानैदेखि हिउँ खेलेर रमाएको पर्यटक व्यवसायी एवं नगरकोट होटल मेरिगोल्डका सञ्चालक गोकुल लामिछानेले जानकारी दिनुभयो ।

लामिछानेले भन्नुभया, ‘नगरकोटमा हिमपात भएको थाहा पाएर हिउँमा रमाउन आउने पर्यटकको ओइरो लागेको छ, आज एकैदिन १० औं हजार आन्तरिक पर्यटक नगरकोट आइपुगेका छन् ।’

नगरकोटमा पर्यटकको भीड लागेपछि यातायात समेत अवरुद्ध भएका छन् । पर्यटकको आगमनसँगै यातायातका साधनको समेत भीड लागेपछि यातायात अवरुद्ध भएको स्थानीय नगरकोट नाल्दुम पर्यटन विकास समितिका सचिव धनबहादुर लामाले जानकारी दिनुभयो ।

नगरकोटमा हरेक वर्ष सामान्य हिउँ पर्ने भए पनि यसवर्ष भने बाक्लो हिमपात भएका आन्तरिक तथा बाह्य पर्यटकको आगमन ह्वात्तै बढेको नगरकोटका वडा अध्यक्ष सन्तबहादुर वाईवाले जानकारी दिनुभयो ।

नगरकोटमा हिमपात भएपछि स्थानीय बासिन्दामा खु्सी र उत्साह थपिएको छभने होटलमा आन्तरिक र बाह्य पर्यटकले खचाखच भएको छ ।
होटल व्यवसायी लामिछानेले अब मौसम खुलेपछि हिमालसमेत खुल्ने भएकाले हिमाल हेर्न, उपत्यकाको खुल्ला दृश्यावलोकन गर्न नगरकोटमा आन्तरिक तथा बाह्य पर्यटकको आगमन बढ्ने बताउनुभयो ।

नगरकोटको तेलकोटदेखि माथि भ्यूटावरसम्म नै हिमपात भएपछि हिउँमा रमाउन जानेको ओइरो लागेको हो ।

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्