निक जाेनसकाे गीत बिलबोर्डकाे एक नम्बरमा, प्रियंकालाई दिए महंगाे कार उपहार

 फागुन २९, २०७५ बुधबार १५:५९:३७ | उज्यालो सहकर्मी
unn.prixa.net

अमेरिकी पप गायक तथा बलिउड अभिनेत्री प्रियंका चोपडाका पति निक जोनस यतिबेला सफलताको शिखरमा छन् ।

निक जोनसले हालै उनका दाजु र भाइहरुसँग मिलेर एउटा म्यूजिक भिडियो एल्बम ‘सकर’ रिलिज गरेका थिए । उक्त म्यूजिक भिडियोमा अभिनेत्री प्रियंका चोपडा र निक जोनसको केमिस्ट्री देखाइएको छ । यो गीत अहिले बिलबोर्डको हट १०० गीतहरुको सूचीमा पहिलो नम्बरमा पर्न सफल भएको छ । 

आफ्नो गीत नम्बर १ मा पर्न सफल भएपछि निक जोनस निकै नै खुशी छन् भने अभिनेत्री प्रियंकाले आफ्नो खुशीे ट्वीटरमार्फत व्यक्त गरेकी छिन् । 
प्रियंकाले ट्वीटमा लेखेकी छिन्, ‘जोनस ब्रदर्सको म्यूजिक भिडियो एल्बम ‘सकर’ बिलबोर्डको हट १०० गीतहरुको सूचीमा पहिलो नम्बरमा परेको छ । योभन्दा बढी गर्वको कुरा अरु हुन सक्दैन ।’ 

निक जोनसले पनि एल्बमको सफलताको खुशीमा प्रियंका चोपडालाई निकै नै महंगो कार उपहार स्वरुप दिएका छन् । निकले प्रियंका चोपडालाई लगभग १७ करोड रुपैयाँ मूल्य पर्ने मर्सिडिज कार दिएका हुन् । प्रियंका चोपडाले उक्त कारसँगै पति निक जोनसका साथ तस्बिर खिचाउँदै सामाजिक सञ्जालमा पोष्ट गरेकी छिन् । प्रियंकाले लेखेकी छिन्, ‘जब पति नम्बर १ बन्न सफल हुन्छन्, तब पत्नीलाई उपहारको रुपमा कार प्राप्त हुन्छ ।’


यसरी जोनस ब्रदर्सको म्यूजिक भिडियोले रेकर्ड बनाएको यो दोस्रो पटक हो । यस अघि सन् २००८ मा पनि उनीहरुका एल्बम ‘बर्निङ्ग’ बिलबोर्डको सूचीमा पाँचौं नम्बरमा पर्न सफल भएको थियो । त्यसको करिब ११ वर्षपछि दोस्रो एल्बम ‘सकर’ लिएर आएका हुन् । 

‘सकर’ मा अभिनेत्री प्रियंका चोपडाका साथै निक जोनसका दाजु जो जोनसकी प्रेमिका सोफी टर्नर र केभिन जोनसकी प्रेमिका पनि रहेका छन् । 

जोनस ब्रदर्सका साथै उनीहरुको परिवार पनि एकसाथ आएकाले सो एल्बम नम्बर १ मा पर्न सफल हुनुको मुख्य कारण रहेको समेत बताइएको छ । 
 

अन्तिम अपडेट: असोज २३, २०७६

तपाईको प्रतिक्रिया