नेपाली महिला क्रिकेट टोलीका पूर्व कप्तान नेरी थापाको सन्यास
चैत ६, २०८० मंगलबार
भारत-पाकिस्तानबीचको खेल । विश्व क्रिकेटमा सबैभन्दा धेरै हेरिने खेल हो । यो खेलमात्र होइन । भारत र पाकिस्तानका खेलाडीको प्रतिस्पर्धा मात्र पनि होइन ।
यो खेलमा समस्त भारत र पाकिस्तानका समर्थकको प्रतिष्ठा जोडिएको छ । दक्षिण एसियाका दुई पावरहाउसहरुको प्रतिस्पर्धा प्रत्यक्ष हेर्न दर्शकहरुको पनि ठूलै प्रतिस्पर्धा हुने गरेको छ । सीमित टिकटका लागि असीमित दर्शकको दाबेदारी रहन्छ ।
कतिपयले त निर्धारितभन्दा कैँयौ गुणा बढी रकम तिरेर पनि यी दुई टिमको म्याच हेर्ने गर्दछन् । खेलाडीसँग चिनजान भएका समर्थकले खेलाडीसँग म्याचको पास माग्ने गरेका छन् ।
भारत र पाकिस्तानबीचको खेलको टिकट जारी भएको केही घण्टामा नै सकिएपछि केही भारतीय समर्थकहरुले भारतीय कप्तान विराट कोहलीको ढोका ढकढकाउन पुगेका छन् । खेलाडीलाई पनि सीमित पास दिइएको हुन्छ । र, असंख्य दर्शकहरुको अनुरोधलाई खेलाडीले ‘नाइँ’ भन्नुको विकल्प हुँदैन ।
केही समर्थकले पास मिलाइदिनका लागि विराट कोहलीलाई अनुरोध गरेका थिए । त्यसको जवाफमा कोहलीले भने, ‘जब यस्तो प्रतियोगिताको यति विशेष खेलमा जाँदै हुनुहुन्छ भने तयार भएर आउनु पर्थ्याे ।’
कोहलीका साथीहरुले पास माग्दा उनले जवाफ दिए, ‘यो विषयमा मलाई नभन्नु होला । आउन मन लाग्छ भने आफैं व्यवस्था गरेर आउनुहोस् । नत्र अहिले सबैको घरमा अत्याधुनिक टिभी सेट छ । घरमै बसेर हेर्नुहोला ।’
‘अहिले पास मिलाउन सम्भव छैन । म कहाँ नआउनु नै राम्रो हुन्छ,’ कोहलीले भने ।