बाढी पहिरो : कुन सडककाे अवस्था कस्ताे छ ?

असार ३०, २०७६ सोमबार ९:५:२६ | उज्यालो सहकर्मी

काठमाण्डौ - निरन्तरको वर्षाका कारण आएको बाढी पहिरोले देशका विभिन्न सडकमा अवरोध पुर्‍याएको छ । बाढी तथा पहिरोका कारण मकवानपुरबाट फाखेल हुँदै काठमाण्डौ आउने तथा सिस्नेरी फर्पिङ हुँदै काठमाण्डौ आउने सडक अवरुद्ध भएको छ ।

यस्तै ललितपुरको भट्टेडाडा अग्राङ टुङ्गुन हुँदै हेटौँडा जाने शान्ति लोकपथ, रामेछापको मन्थलीबाट काठमाण्डौ आउने सडक, सिन्धुलीको बहादुरे खाला, सोलु खोला र खाङखाङ खोलामा आएको पहिरोले मध्यपहाडी लोक मार्ग, बेसिशहर मनाङ सडक खण्ड पनि अवरुद्ध छ ।

मुस्ताङ, खोलढुङ्गा, मकवानपुर, सिन्धुली, रामेछाप, भोजपुर, धनकुटा, रोतहट, महोत्तरी, पाल्पा, कालिकोट, महोत्तरी लगायतका जिल्लाका विभिन्न स्थानमा सडक अवरुद्ध रहेको प्रहरी प्रधान कार्यालयले जानकारी दिएको छ ।

यस्तै सप्तकोशी नदीमा पनि पानीको बहाब अझै कम नभएकाले अहिले २७ वटा ढोका खोलिएको पनि प्रहरीले जनाएको छ । अहिले नारायणी नदी, कमला नदी, काली गण्डकी, त्रिशुली, राप्ती लगायतका नदीमा पानीको बहाब खतराभन्दा तल रहेको छ ।

कुलेखानी ड्याममा भने पानीको सतह निरन्तर बढ्दै गएकाले ड्यामको ढोका खोल्नु पर्ने अवस्था आएको प्रहरी प्रधान कार्यालयले जनाएको छ ।

अन्तिम अपडेट: चैत ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्