कपनबाट पेस्ताेलसहित एक जना पक्राउ
चैत १६, २०८० शुक्रबार
काठमाण्डौ – प्रधानमन्त्री केपी शर्मा ओलीलाई ज्वरो आएपछि नेपाल कम्युनिष्ट पार्टी(नेकपा) को बिहीबार बस्ने भनिएको सचिवालय बैठक स्थगित भएको छ ।
बैठकका लागि नेताहरु बालुवाटार पुगे पनि प्रधानमन्त्री अस्वस्थ भएकाले बैठक स्थगित भएको प्रवक्ता नारायणकाजी श्रेष्ठ ‘प्रकाश’ले उज्यालोलाई जानकारी दिनुभयो ।
अर्को बैठक शुक्रबार दिउँसो ३ बजे बस्ने पनि उहाँले जानकारी दिनुभयो । पार्टीमा स्कुल विभागको जिम्मेवारी टुंगो लगाउन पटक–पटक बैठक बस्ने भनिए पनि विभिन्न कारणले स्थगित हुँदै आएको छ ।
नेकपाका दुवै अध्यक्षले नाम टुंग्याउने भने पनि स्कुल विभाग पहिलेको एमालेका नेतालाई दिने कि पहिलेको माओवादी नेतालाई दिने भन्नेमा नेताहरुबीच कुरा मिल्न सकेको छैन ।
साउन १३ गतेको बैठकमा केन्द्रीय विभाग, केन्द्रीय कमिटीका सदस्यको कार्यविभाजनबारे भएको छलफलमा केन्द्रीय कमिटीका सदस्यको कार्यविभाजनका निम्ति सबैसँग रुचीका प्राथमिकताबारे सल्लाह गर्न र व्यवस्थित तथा परिमार्जित प्रस्ताव ल्याउन सचिवालय सदस्यलाई निर्देशन दिइएको थियो ।
विभागको संयोजक बन्न नेताहरु झलनाथ खनाल, ईश्वर पोखरेल, घनश्याम भुसाल, वेदुराम भुसाल, प्रवक्ता नारायणकाजी श्रेष्ठलगायतको दाबी छ ।
नेकपाको पार्टी एकता भएको एक वर्ष पूरा भए पनि अझै एकताको प्रक्रिया पूरा हुन सकेको छैन । अहिलेसम्म प्रदेश कमिटी, र जिल्ला कमिटी गठन भइसकेका छन् भने पोलिटब्यूरो गठन, केन्द्रीय कमिटीको कार्यविभाजन, जनवर्गीय सङ्गठनको कमिटीलाई पूर्णता दिन बाँकी छ ।
यसैगरी राष्ट्रिय परिषद्, केन्द्रीय सल्लाहकार समिति, केन्द्रीय आयोग, ज्येष्ठ कम्युनिष्ट मञ्च, केन्द्रीय विभाग गठनको कामसमेत पूरा हुन सकेको छैन ।
Amar Gharti
Aug. 15, 2019, 5:35 p.m.हेड मास्टर लाई ज्वरो आयो त्यसैले स्कूल बिदा, डाक्टर लाई ज्वरो आयो अस्पताल बन्द,पर्यटन मंत्री लाई ज्वरो आयो वायु सेवाको उडान बन्द भन्ने दिन नओस।