तिहार : फेरिँदै देउसीभैलोको स्वरूप
कात्तिक १७, २०८१ शनिबार
हाम्रा प्रधानमन्त्री यस्ता छन् भनेर सोचेकै थिइनँ : डाक्टर केदारभक्त माथेमा
माथेमा कार्यदलले दिएको प्रतिवेदन अनुसार नै चिकित्सा शिक्षा विधेयेक बन्नुपर्ने माग गर्दै डाक्टर गोविन्द केसी १२ दिनदेखि अनसनमा हुनुहुन्छ ।
जुम्लाको सदरमुकाममा अनसन बसेका केसीको स्वास्थ्य अवस्था कमजोर हुँदै गएको छ । उहाँले चिकित्सा शिक्षा सुधारको लागि ज्यानको बाजी नै लगाउन पनि तयार भएको अडान राख्दै आउनुभएको छ । तर सरकारले भने कुनै व्यक्ति अनसन बसेकै भरमा सरकारले कसैका माग पूरा नगर्ने बताउँदै आएको छ ।
प्रधानमन्त्री केपी शर्मा ओलीले नै डाक्टर गोविन्द केसीले जे भन्छन् त्यही गर्न नसकिने संसदलाई जवाफ दिनुभएको छ । चिकित्सा शिक्षा सुधारको लागि अनसन बसेका डाक्टर केसीप्रति सरकार गै जिम्मेवार हुँदै गएको भन्दै नागरिक समाज र मानवअधिकारवादीले आलोचना गर्दै आएका छन् । यसै विषयमा तत्कालीन माथेमा कार्यदलका संयोजक केदारभक्त माथेमासँग अर्जुन पोख्रेलले गरेको कुराकानीको अंश :
डाक्टर गोविन्द केसी जुम्लामा अनसनमा हुनुहुन्छ, तर काठमाडौंबाट प्रधानमन्त्री केपी शर्मा ओलीले कसैले अनसन बसेकै भरमा सरकार नझुक्ने र चिकित्सा शिक्षा विधेयक सरकारले चाहेअनुसार नै आउने बताउनुभएको छ । प्रधानमन्त्रीको यो अभिव्यक्तिले के संकेत गर्छ त ?
प्रधानमन्त्री ओलीसँग मेरो पहिलादेखि नै चिनजान छ । तर यसपटक उहाँ किन यसरी प्रस्तुत हुनुभएको छ कुन्नि, म छक्क परेको छु । उहाँ पहिला त्यस्तो त हुनुहुन्थ्यो, तर अहिले अचानक उहाँको व्यवहारमा किन यसरी परिवर्तन आएको छ । उहाँलाई सल्लाह दिनेले राम्रो सल्लाह दिएनन् कि जस्तो पो लागेको छ त मलाई । हाम्रा प्रधानमन्त्री यस्ता छन् भन्ने त मैले सोचेकै थिइनँ । उहाँ किन यसरी बदलिनुभयो भनेर म त छक्क परेको छु ।
प्रधानमन्त्रीका पछिल्ला अभिव्यक्तिले डाक्टर गोविन्द केसीका माग नागरिकका हितमा छैनन् भन्ने देखाउँछ, त्यस्तो हो र ?
त्यसरी नागरिकको स्वास्थ्यको लागि अनसनमा बसिरहेका एकजना डाक्टरसँग प्रधानमन्त्रीले जुहारी खेलेको देख्दा मलाई दुःख पनि लागेको छ । केसीले उठाएका माग प्रधानमन्त्रीले भनेजस्तो हलुका खालका छैनन् । एकपटक सरकारले डाक्टर केसीसँग गम्भीर भएर कुरा गर्नुपर्यो । ज्यान हत्केलामा राखेर अनसन बसेका एकजनासँग सरकारले कोठाबाट जुहारी खेल्न सुहाउँछ ? उहाँले बीचमा माग थप गर्नुभएको होइन, हाम्रो कार्यदलले पहिला जे जस्ता सुझाव दिएको थियो तिनैलाई कार्यान्वयन गर्नुपर्छ भन्ने नै हो ।
तर तपाईँ नेतृत्वको त्यो कार्यदलले दिएका सुझाव समय सापेक्ष भएनन्, नेपालमा एमबीबीएस पढ्न नपाएर विद्यार्थी बाहिरिए भन्ने पनि त छ नि, हैन र ?
बिल्कुल हैन । यो त भ्रम सिर्जना गर्न खोजिएको छ । हामीले त पर्याप्त अध्ययन अनुसन्धान गरेर मात्रै सुझाव दिएका हौँ । डाक्टर केसी पटक–पटक अनसन बसेपछि पहिलाका सरकारले पनि उहाँका माग ठिक छन् र माथेमा कार्यदलले दिएको प्रतिवेदन ठिक छ भनेरै अध्यादेश लगेको थियो नि होइन र ? तर दुःखको कुरा त्यो अध्यादेशमा भएका मुख्य–मुख्य कुरा फालेर डाक्टर केसीले भन्दै आएका माफियालाई पोस्नेतर्फ सरकार केन्द्रित भएको हो कि भन्ने पो देखियो छ । म त केही बुझ्नै सकेको छैन कसरी यस्तो परिस्थिति आयो भनेर ।
काठमाडौंमा किन मेडिकल कलेज खोल्न नहुने भन्ने तर्क पनि आइरहेका छन् । केही विद्वानहरुले नेपालमा मेडिकल कलेज खोल्न नदिएर धमाधम विद्यार्थी बाहिर गए भन्ने पनि तर्क गर्नुहुन्छ । तर त्यस्तो पटक्कै होइन । अहिले बाहिर जाने विद्यार्थीलाई पनि हामीले इन्ट्रान्स दिने व्यवस्था गरेपछि यो संख्या पनि घटेको छ । अहिले नै कति मेडिकले कलेजले त कोटा नै पुर्याउन सकेका छैनन् ।
उसो भए तपाईँहरुले दिएको प्रतिवेदनलाई आधार मानेर बनाइको अध्यादेशमा अहिलेका सत्तापक्ष र स्वयं प्रधानमन्त्रीलाई घाटा हुने त्यस्तो के प्रावधान छ र विरोध भयो त ?
उहाँहरुले नागरिकको लागि राजनीति गरेको भए यो अध्यादेश नागरिककै हितमा छ । नागरिकको हितमा भए पनि उहाँहरुका केही आफ्ना बाध्यता होलान, सबै कुरा नभनौँ । तर उहाँहरुको यो हर्कत जनताले त हेरिरहेका छन् । मेरो विचारमा प्रधानमन्त्री दोबाटोमा हुनुहुन्छ ।
एउटा बाटो अलिक कठिन होला, त्यो बाटो प्रयोग गर्दा केही नजिकका मानिस रिसाउलान् अनि आर्थिक कुरासँग पनि जोडिएला । तर त्यो बाटो नागरिकको हितमा छ, नागरिकको हितमा काम गर्ने हो भने अलिअलि अफ्ठेरा पञ्छाउन पनि सक्नुपर्छ । अर्को बाटो सजिलो छ, डाक्टर केसीका मागलाई लत्याउने तर त्यो बाटोले उहाँलाई दीर्घकालसम्म अपजसको भारी बोकाउने छ ।
आजसम्मका भनाई हेर्दा सरकार टसमस हुने देखिन्न, भनेपछि डाक्टर केसीलाई यसपल्ट झनै गाह्रो हुने देखियो हैन त ?
मलाई त लाग्छ ओलीजीले आवेशमा आएर बोल्नुभयो होला । जो आफ्नो परिवारको लागि हैन नागरिकका लागि लडेको छ, उहाँलाई सरकारले यो स्तरको व्यवहार आवेशमा आएर मात्रै गर्याे होला भन्ने लाग्छ मलाई । सरकारले उहाँको आवाज नसुनी सुख्खै छैन, डाक्टर केसीलाई गाह्रो हुने भनेको तपाईँ हामीलाई नै गाह्रो हुने हो ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
अर्जुन पोख्रेल
उज्यालोमा कार्यरत अर्जुन पोख्रेल आर्थिक विषयमा कलम चलाउनु हुन्छ। 
1 Comments
समाचार
-
-
तिहारमा ढाका टोपीको व्यापार बढ्यो
कात्तिक १७, २०८१ शनिबार
-
काठमाण्डौ उपत्यकामा मनाइयो नेपाल संवत् (तस्वीरहरु)
कात्तिक १७, २०८१ शनिबार
-
काभ्रेका बाढीपहिरो पीडितलाई तिहारकाे फूल र बत्तीको झिलिमिली...
कात्तिक १७, २०८१ शनिबार
-
भारतले दुई दशकमा साढे १९ करोड भन्दा धेरै रोजगारी थप्यो
कात्तिक १७, २०८१ शनिबार
-
हङकङ सिक्सेस क्रिकेट प्रतियोगिताको क्वाटर फाइनलमा नेपाल श्रीलङ्...
कात्तिक १७, २०८१ शनिबार
-
नेकपा एमालेद्वारा कीर्तिपुर नगर प्रमुख उम्मेदवारमा डा.सुरेन्द्...
कात्तिक १७, २०८१ शनिबार
-
दुध किसानले पाउनुपर्ने बक्यौता एक अर्ब ३० करोड रुपैयाँमा झर्याे
कात्तिक १७, २०८१ शनिबार
-
नेपाल भाषालाई पाठ्यक्रममा समावेश गर्न प्रक्रिया अगाडि बढाउने प्...
कात्तिक १७, २०८१ शनिबार
-
काठमाण्डौमा वायु प्रदूषण बढ्यो : तिहारका बेला पटका पड्काउनु म...
कात्तिक १७, २०८१ शनिबार
-
तिहारमा मुस्ताङबाट ४ हजार भेडाच्याङग्रा बिक्री
कात्तिक १७, २०८१ शनिबार
-
सर्लाहीको बरहथवा बजारमा किराना पसलमा आगलागी
कात्तिक १७, २०८१ शनिबार
-
नेपाल संवत् नेपाली माटोको संवत् हो : प्रधानमन्त्री ओली
कात्तिक १७, २०८१ शनिबार
-
प्लाष्टिकजन्य फूल काठमाण्डौ महानगरको प्रहरी बलबाट जफत
कात्तिक १७, २०८१ शनिबार
विचार
-
भाइमसलामा पाइने पौष्टिक तत्त्व : नेपालमै पाइन्छ थुप्रै फल
कात्तिक १४, २०८१ बुधबार
-
सरकारको सय दिन निराशाजनक पनि होइन, तर आशा जगाउने खालको पन...
कात्तिक ७, २०८१ बुधबार
-
चलचित्रबीच प्रतिस्पर्धा हुनु राम्रो हो, तर तालमेल नमिल्दा बेमेल...
कात्तिक ४, २०८१ आइतबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
Chandan sah
July 11, 2018, 6:04 p.m.Mero bichar ma sarkar le gareko nirnay purai thik hoin tar nagarik le magng gareko sampurn kura sarkar le pura garn ekdamai garho hunx .Tar sarkar le soch bichar garer janta ko hit ko lagi aawasyak x vane majha le gare hunx .ani janta lai khushi banaunu parx .VAT tapnu parx vane janta mathi milayer thape hunx sarkar jyu.