आजदेखि भारत र चीन बाहेकका विदेशी नागरिक स्थलमार्गबाट नेपाल प्रवेश गर्न नपाउने

 चैत १, २०७६ शनिबार ११:४७:५१ | उज्यालो सहकर्मी
unn.prixa.net

काठमाण्डाै - आज रातिदेखि भारत र चीन बाहेकका विदेशी नागरिक स्थलमार्गबाट नेपाल प्रवेश गर्न नपाउने भएका छन् ।

कोरोना भाइरसको संक्रमण रोक्नका लागि सरकारले स्थालमार्ग हुँदै नेपाल आउने तेश्रो देशका नागरिकलाई आज शनिबार राति १२ बजेदेखि आउँदो वैशाख १८ गतेसम्मका लागि रोक लगाएको हो ।

यस्तै नेपाल–भारतबीचको यात्रु आवागमनलाई व्यवस्थित गर्न निश्चित सीमाबाट मात्र आवागमन गर्ने व्यवस्था मिलाउने अर्थ र सञ्चार तथा सूचना प्रविधिमन्त्री एवम् सरकारका प्रवक्ता डाक्टर युवराज खतिवडाले बताउनुभयो ।

यसैगरी, विदेशी नागरिक तथा गैह्रआवासीय नेपालीलाई नेपाल आइसकेपछि दिइने अन अराइभल प्रवेशाज्ञा पनि आजै राति १२ बजेदेखि वैशाख १८ गते सम्मका लागि स्थगित गरिनेछ । यस्तै नेपाल आउन चाहने विदेशी नागरिकले आउनुभन्दा बढिमा सात दिन अघि लिइएको स्वास्थ्य प्रमाणपत्र अनिवार्य पेस गर्नुपर्ने छ ।

यसैगरी, आजै रातिदेखि नेपाल आउने विदेशी तथा विदशेबाट आउने नेपाली सबैले अनिवार्य आफैँ १४ दिन क्वारेन्टाइनमा बस्नुपर्नेछ । यस्तै सरकारले विदेशमा रहेका नेपालीलाई अति आवश्यक काम बाहेक नेपाल नआउन आग्रह गरेको छ ।

यस बाहेक अर्को सूचना प्रकाशन नभएसम्मका लागि श्रम स्वीकृति तथा पढ्न विदेश जानेका लागि दिइने नो अब्जेक्शन लेटर स्थगित गरिएको छ । यस्तै सरकारले संक्रमणबाट जोगिन ठूलो संख्यामा मानिसहरू भेला हुने सभा समारोह, सामाजिक कार्य एंव मेला महोत्सव सहभागी नहुन सबैलाई अनुरोध पनि गरेको छ । 

अन्तिम अपडेट: कात्तिक १५, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

5 Comments

  • Hemraj khatri

    Aug. 14, 2021, 8:23 p.m.

    यो सरकारको नीति देख्दा पनि छक्क लाग्छ भन्या...भारत चीनवाट स्थलमार्ग हुँदै नेपाल आउन चाहिँ पाइन्छ रे, अनि तेश्रो देशवाट आउन हुन्न रे ..क्या गज्जव छ वा ...यस्तो नीति ही भने यो कोरोना भाइरस कहिले पनि सकिन्न नेपाल सरकार /

  •  1 Reply

  • रवि रन्जित

    June 16, 2021, 3:41 p.m.

    तेस्रो मुलुक बाट आउने बिदेशीहरु कहि स्थलमार्ग प्रयोग होला कतै ? बरु सिधै भने हुन्छ नि भारतमा कोरोनाको जोखिम कम भएकोले भारतीयहरु बाट खतरा छैन ,त्यसैले उनिहरुलाइ बिना रोकटोक नेपाल भित्रीन दिनुपर्छ भनेर ! ? नेपाली जनताले खोप पाउन कठिनाइ भइरहेको अवस्थामा भारतीय र चिनियाँ नागरिकलाइ स्थलमार्ग बाट प्रवेश पाउने ? क्या राम्रो छिमेकीलाई खुसी पार्ने नीति ? नेपाली जनता औषध उपचारमा ठगीरहेको बेलामा भारतीय र चिनियाहरुलाइ भित्र्याएर अझ किनथप जोखिम मोल्न खोजिएको होलान बुझिएन !!!?

  •  0 Reply

  • Raaz Nanda Dhital

    July 30, 2020, 9:02 p.m.

    कोरोनाको डर अन्त्य नभयेको अवस्थामा अझै भारत आउनेलाइ स्थलमार्ग बाट सजिलै आउनदिने रे ? होइन यो नेपाल सरकार भारत बिना न बाच्नसक्ने भैसक्यो कि के हो ???

  •  0 Reply

  • Rahendra Prasad Pradhan

    July 29, 2020, 1:38 p.m.

    भारतीयहरु आउन पाउने भएबाट अब कोरोनाको खतरा झन बढ्ने भयो। अहिलेसम्म कोरोना फैलाएको भारतबाट आउनेले नै हो भनेपछि, यो त हदै भयो।

  •  1 Reply

  • shreedhar pokhrel

    July 24, 2020, 7:51 p.m.

    यो देसमा कति उल्टो नीति छ।मैले बुझेअनुसर भारतीयहरु चाहिँ स्थल मार्ग बाटो भयर आउन पाउने त होल होईन र ? लौ बित्ने भो पर्भु !!!

  •  0 Reply

तपाईको प्रतिक्रिया

समाचार

लोकप्रिय

१

महसूल नतिरेसम्म उद्योगमा काटिएको बिजुली नजोड्न विद्युत् प्राधिकरणलाई आयोगको निर्देशन

२

सावित्रा भण्डारी व्यवसायिक फुटबल खेल्न फ्रान्सतर्फ प्रस्थान

३

महिला फुटबल टोलीका मुख्य प्रशिक्षक राजेन्द्र तामाङद्वारा राजीनामा

४

इजरायल र लेबनानबीच सम्झौताको मस्यौदा तयार

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई