असोज महिनामा झण्डै साढे तीन अर्ब रूपैयाँ बराबरको विदेशी लगा...
कात्तिक १६, २०८१ शुक्रबार
‘लकडाउन’मा सरकारले बेच्यो ६ हजार चुल्हो, १२ हजार क्विन्टल खाद्यान्न
काडमाण्डौ–'लकडाउन'को कारण धेरै क्षेत्र अस्तव्यस्त भएको छ । व्यापार व्यवसाय चौपट भएको छ । तर नेपाल सरकारको खाद्य व्यवस्था तथा व्यापार कम्पनी लिमिटेडलाई भने ‘लकडाउन’ फलिफाप भएको छ । कम्पनीले करोडौं रुपैयाँको व्यापार गरेको छ । उसले नागरिकको मन जित्ने काम गरिरहेको छ । अनलाइनमार्फत घरघरमा सामान पर्याउने सम्भवतः पहिलो सरकारी कम्पनी पनि बनेको छ ।
सबै चुल्हो सक्यो
भारतले नाकाबन्दी लगाएर नेपालमा ग्यासको हाहाकार भएपछि चीन सरकारले बि.स. २०७२ सालमा १२ हजार थान इन्डक्सन चुल्हो अर्थात विद्युतीय चुल्हो नेपाल सरकारलाई दिएको थियो । तत्कालीन नेशनल ट्रेडिङ कम्पनीले एउटा चुल्होको मूल्य १२ हजार रुपैयाँ राखेको थियो । बजार मूल्यभन्दा निकै महँगो भएको भन्दै नागरिकले किनेनन् । झण्डै ८ हजार चुल्हो त्यहीबेलादेखि हालको खाद्य व्यवस्था तथा व्यापार कम्पनीको गोदाममा थन्किएका थिए ।
मूल्य घटाएर ४ हजार रुपैयाँमा झार्दा पनि बिक्री भएको थिएन । तर ‘लकडाउन’ घोषणा भएपछि चुल्हो बिक्री हुन थाल्यो । ‘लकडाउन’को यस अवधिमा ६ हजार ६ सय थान इन्डक्सन चुल्हो बिक्री भयो । अहिले कम्पनीको गोदाममा चुल्हो सकिएको छ । चुल्हो बिक्रीमार्फत मात्रै कम्पनीले २ करोड ६४ लाख रुपैयाँ कमाएको छ ।
‘हामीकहाँ भएको सबै पुरानो इन्डक्सन चुल्हो सकियो । थप चुल्हो किन्नेबारे छलफल गरिरहेका छौं । अब बजारमा आक्रमक ढङ्गले उपस्थिति जनाउने हो ।’ कम्पनीका नायब महाप्रबन्धक श्रीमणिराज खनालले भन्नुभयो । कम्पनीसँग इन्डक्सन चुल्हो हुँदा निजी क्षेत्रमा धेरै कालोबजारी हुन नपाएको र उनीहरुमा सरकारी हस्तक्षेपको डर बढेको खनालको भनाइ छ ।
१२ हजार क्विन्टल खाद्यान्न बिक्री
खाद्य व्यवस्था तथा व्यापार कम्पनीले ‘लकडाउन’ अवधिभर १२ हजार क्विन्टल खाद्यान्न बिक्री गरेको छ । छाक टार्न मुस्किल भएका मजदुरका लागि सरकारले राहत वितरण गर्ने निर्णय गरेपछि धेरै स्थानीय सरकारले कम्पनीकै दाल, चामल किनेपछि व्यापार बढेको नायब महाप्रबन्धक खनालले बताउनुभयो । यस्तै काठमाण्डौ उपत्यकाबाहिरका ३५ वटा बिक्री केन्द्र, काठमाण्डौ उपत्यकाका पाँच स्थान तथा ट्रकबाट घुम्ती सेवामार्फत पनि कम्पनीका खाद्यान्न बिक्री भैरहेको छ ।
अहिलेसम्म ११ हजार पाँच सय क्विन्टल चामल र पाँच सय क्विन्टल दाल बिक्री भएको कम्पनीले जनाएको छ । कम्पनीले चामल बेचेर साढे पाँच करोड रुपैयाँको हाराहारीमा आम्दानी गरेको छ । यस्तै दाल बेचेर ६० लाख रुपैयाँ आम्दानी गरेको छ ।
अनलाइनमार्फत बिक्री
गएको बुधबारदेखि खाद्य व्यवस्था तथा व्यापार कम्पनीले अनलाइनमार्फत खाद्यान्न बिक्री सुरु गर्यो । वेभसाइटमा आएको ‘अर्डर’का आधारमा चक्रपथभित्र ‘डेलिभरी’ शुल्क नलिनेगरी उसले बिक्री सुरु गरेको छ । अनलाइनमार्फत घरमै सेवा पर्याउने यो सम्भवतः नेपालको पहिलो सरकारी कम्पनी बनेको छ । ‘होम डेलिभरी’को सुविधालाई चक्रपथबाहिर पनि बिस्तार गर्न र ‘लकडाउन’पछि सामान्य अवस्थामा पनि जारी राख्न कम्पनीले पहल गरिरहेको छ ।
‘सरकारी कार्यालयमा जागिर खान आएका हामी कर्मचारीले व्यापार गर्नुपर्ने भयो । व्यापार गर्नुपर्ने भएपछि थप प्रभावकारी बनाउनेतर्फ सबैको सोच गएको छ ।’ नायब महाप्रबन्धक खनालले भन्नुभयो ।
‘नेपाल फुड’को नाममा बिर्तामोडबाट स्टिम चामल ल्याएर बिक्री थालिएको र अब तेल र साबुनलगायतका सामग्री पनि बेच्ने कम्पनीले जनाएको छ । ‘व्यवसायिक कार्ययोजना बनाउन प्रस्ताव आह्वान गर्ने र उत्कृष्ट प्रस्ताव छनौट गरेर त्यसैअनुसार काम गछौँ र कम्पनीलाई थप बलियो बनाउँछौँ ।’ खनालले बताउनुभयो । सरकारी निकाय भएकोले सेवासँगै व्यापारमा पनि थप योजना ल्याउने कम्पनीको तयारी छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
2 Comments
समाचार
-
-
रूसले गुगललाई विश्वको जीडीपीभन्दा धेरै जरिवाना तोक्यो
कात्तिक १६, २०८१ शुक्रबार
-
इङ्गल्याण्डलाई पराजित गरेको नेपाल एक खेलअघि नै हङकङ सिक्सेस प्...
कात्तिक १६, २०८१ शुक्रबार
-
अर्घाखाँचीको सन्धिखर्कमा झण्डै ५० हजार रुपैयाँका प्लास्टिकका मा...
कात्तिक १६, २०८१ शुक्रबार
-
स्थायी बासस्थानको आशामा बित्यो काभ्रेका बाढीपहिरो पीडितको एक ...
कात्तिक १६, २०८१ शुक्रबार
-
एसएस फाउण्डेशनले फुटबलर अमिशा कार्कीलाई नगद एक लाखसहित सम्मा...
कात्तिक १६, २०८१ शुक्रबार
-
भारतको दिल्लीमा वायु प्रदूषण अहिलेसम्मकै खराब, एक्यूआई चार सय...
कात्तिक १६, २०८१ शुक्रबार
-
पर्वतको नागढुङ्गा सहकारीको पाँच करोड रुपैयाँ हिनामिना
कात्तिक १६, २०८१ शुक्रबार
-
हात्तीको आक्रमण : रौतहटमा एक जनाको ज्यान गयो, कञ्चनपुरका स्थान...
कात्तिक १६, २०८१ शुक्रबार
-
काठमाण्डौ उपत्यकामा पटका पड्काउने क्रम रोकिएन
कात्तिक १६, २०८१ शुक्रबार
-
यसवर्ष भाइमसलाको भाउ झण्डै ३० प्रतिशतले बढ्यो
कात्तिक १६, २०८१ शुक्रबार
-
शिक्षासेवी चैतन्य शर्माको निधन, अन्त्येष्टि भोलि गरिने
कात्तिक १६, २०८१ शुक्रबार
-
जुम्लामा यसवर्ष २० हजार मेट्रिक टन स्याउ उत्पादन
कात्तिक १६, २०८१ शुक्रबार
-
इजरायलले गाजामा गरेको पछिल्लो सैन्य आक्रमणमा ४६ जनाको ज्यान गयो
कात्तिक १६, २०८१ शुक्रबार
विचार
-
भाइमसलामा पाइने पौष्टिक तत्त्व : नेपालमै पाइन्छ थुप्रै फल
कात्तिक १४, २०८१ बुधबार
-
सरकारको सय दिन निराशाजनक पनि होइन, तर आशा जगाउने खालको पन...
कात्तिक ७, २०८१ बुधबार
-
चलचित्रबीच प्रतिस्पर्धा हुनु राम्रो हो, तर तालमेल नमिल्दा बेमेल...
कात्तिक ४, २०८१ आइतबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
विष्णु हमाल
April 12, 2020, 1:13 p.m.अति राम्रो काम आगामी दिनहरुका सामान्य परिस्थितमा पनि यस्तै कार्य गर्न सके जनताले राहत महसुश गर्नेछन्।
Giri Prasad Gyawali
April 12, 2020, 12:59 p.m.बिधुतिय चुल्हो को लागि रुपन्देही मा कहाँ सम्पर्क गर्ने??