यो अर्काको देश हो, यहाँ हाम्रो मर्जी चल्दैन

वैशाख २६, २०७७ शुक्रबार १२:२७:३९ | उज्यालो सहकर्मी

नबिन श्रेष्ठ/सिन्धुली, हाल यूएई ।

म यहाँ दुबई ट्याक्सी कर्पोरेशन (डीटीसी) मार्फत ट्याक्सी चालकको रुपमा कार्यरत छु । अहिले यहाँको अवस्था अस्तव्यस्त छ । कामको दैनिकी छैन । ट्याक्सी चालक कसैको पनि न्यूनतम तलब छैन ।

अहिलेको यो अवस्थालाई हेरेर कम्पनीले केही सहायता भने गरेको छ । तर त्यसको लागि कम्पनीले केही शर्त तोकेको छ । शर्तअनुरुप महिनामा अनिवार्य १ हप्ता काम गर्नुपर्ने हुन्छ । त्यो हामी गरिरहेका छौं ।

यो सहायता कम्पनीले कुन हदसम्म गर्न सक्ला थाहा छैन । किनकी मुहान सुकेपछि धारामा पानीको आश गर्नुहुन्न । आशा छ छिट्टै समाधानतिर जाला तर नजान पनि सक्छ ।

अरु विकल्प के हुन सक्छ, अवस्था अनुसार सम्बन्धित निकायले पनि आफ्नो तयारी गरोस् । अर्काको देश भएकोले धेरै कुरा हाम्रो नियन्त्रणमा छैन । ट्याक्सी चालक धेरैमा कोरोना पुष्टी हुँदाहुँदै पनि हामीहरु काम गर्न बाध्य छौं। रोगले भन्दा भोकले मर्न गार्हो हुन्छ ।

यो अर्काको देश हो यहाँ हाम्रो मर्जी चल्दैन । आजको दिनसम्म कुनै निकायलाई गुहार्नु परेको छैन र आशा गर्छु नपरोस् ।

म आफ्नो ठाउँमा नै रहेर यो समस्या पार गरेर सहयोग गर्न चाहान्छु । तर पनि भोलि के होला भन्ने अनिश्चितता छ ।

देश परदेशमा रहेका सम्बन्धित निकायहरुले भविष्यमा आउन सक्ने सम्भावित संकटसँग जुध्ने तयारी गरोस् र समस्यामा परेकाहरुको चाँडै उद्धार होस् ।

याे पनि पढ्नुहाेस्

मे ८ : खाडी र मलेसियामा काेराेना सङ्क्रमणकाे पछिल्लाे अपडेट

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्